Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 70 | |
70:1 См.: 🔗Пс. 30:2 | На Тя, Господи, уповах, да не постыжуся в век. |
70:2 | Правдою Твоею избави мя и изми мя: приклони ко мне ухо Твое и спаси мя. |
70:3 | Буди ми в Бога защитителя и в место крепко спасти мя: яко утверждение мое и прибежище мое еси Ты. |
70:4 См.: 🔗Пс. 90:14 | Боже мой, избави мя из руки грешнаго, из руки законопреступнаго и обидящаго: |
70:5 См.: 🔗Евр. 2:13 | яко Ты еси терпение мое, Господи, Господи, упование мое от юности моея. |
70:6 См.: 🔗Втор. 10:21 🔗Пс. 21:10 | В Тебе утвердихся от утробы, от чрева матере моея Ты еси мой покровитель: о Тебе пение мое выну. |
70:7 См.: 🔗Иез. 12:6 🔗Иез. 24:27 | Яко чудо бых многим: и Ты помощник мой крепок. |
70:8 См.: 🔗Пс. 50:17 | Да исполнятся уста моя хваления, яко да воспою славу Твою, весь день великолепие Твое. |
70:9 | Не отвержи мене во время старости: внегда оскудевати крепости моей, не остави мене. |
70:10 | Яко реша врази мои мне, и стрегущии душу мою совещаша вкупе, |
70:11 | глаголюще: Бог оставил есть его, пожените и имите его, яко несть избавляяй. |
70:12 См.: 🔗Пс. 69:2 | Боже мой, не удалися от мене: Боже мой, в помощь мою вонми. |
70:13 См.: 🔗Пс. 34:4 | Да постыдятся и изчезнут оклеветающии душу мою, да облекутся в студ и срам ищущии злая мне. |
70:14 | Аз же всегда возуповаю на Тя, и приложу на всяку похвалу Твою. |
70:15 | Уста моя возвестят правду Твою, весь день спасение Твое, яко не познах книжная. |
70:16 | Вниду в силе Господни: Господи, помяну правду Тебе единаго. |
70:17 См.: 🔗Пс. 76:12 | Боже мой, имже научил мя еси от юности моея, и доныне возвещу чудеса Твоя. |
70:18 См.: 🔗Ис. 46:4 | И даже до старости и престарения, Боже мой, не остави мене, дондеже возвещу мышцу Твою роду всему грядущему, |
70:19 См.: 🔗Исх. 15:11 🔗Отк. 17:14 | силу Твою и правду Твою, Боже, даже до вышних, яже сотворил ми еси величия: Боже, кто подобен Тебе? |
70:20 См.: 🔗Пс. 67:23 | Елики явил ми еси скорби многи и злы? И обращься оживотворил мя еси и от бездн земли возвел мя еси. |
70:21 См.: 🔗Втор. 32:39 | Умножил еси на мне величествие твое, и обращься утешил мя еси, и от бездн земли паки возвел мя еси. |
70:22 См.: 🔗Пс. 88:19 🔗Пс. 150:3 | Ибо аз исповемся Тебе в людех, Господи, в сосудех псаломских истину Твою, Боже: воспою Тебе в гуслех, Святый Израилев. |
70:23 | Возрадуетеся устне мои, егда воспою Тебе, и душа моя, юже еси избавил: |
70:24 | еще же и язык мой весь день поучится правде Твоей, егда постыдятся и посрамятся ищущии злая мне. |