Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗Еккл. 3:16 🔗Сир. 35:18 | И обратихся аз и видех вся оклеветания бывающая под солнцем: и се, слезы оклеветанных, и несть им утешающаго, и от руки клевещущих на ня крепость, и несть им утешающаго. |
4:2 | И похвалих аз всех умерших, иже умроша уже, паче живых, елицы живи суть доселе: |
4:3 | и благ паче обоих сих, иже еще не бысть, иже не виде всякаго сотворения лукаваго сотвореннаго под солнцем. |
4:4 См.: 🔗Деян. 7:9 | И видех аз весь труд и всяко мужество сотворения, яко сие ревность мужа от подруга своего. И сие суета и произволение духа. |
4:5 См.: 🔗Прит. 6:10 🔗Прит. 24:33 | Безумный объят руце свои и снеде плоти своя. |
4:6 См.: 🔗Прит. 17:1 | Благо есть исполнение горсти покоя, паче исполнения двою горстию труда и произволения духа. |
4:7 | И обратихся аз и видех суетство под солнцем: |
4:8 См.: 🔗Пс. 38:7 🔗1Ин. 2:16 | есть един, и несть втораго, ни сына, ниже брата несть ему, и несть конца всему труду его, ниже око его насыщается богатства. И кому аз труждаюся и лишаю душу мою от благостыни? И сие суета и попечение лукавно есть. |
4:9 См.: 🔗Быт. 2:18 🔗Суд. 7:10 | Блази два паче единаго, имже есть мзда блага в труде их: |
4:10 | яко аще падется един от них, воздвигнет другий причастника своего: и горе тому единому, егда падет и не будет втораго воздвигнути его. |
4:11 | И аще уснета два, тепло има будет, а един како согреется? |
4:12 | И аще укрепится един, два станета противу ему: и вервь треплетена не скоро расторгнется. |
4:13 См.: 🔗Еккл. 2:13 | Благ отрок нищь и мудр, паче стара царя и безумна, иже не разуме внимати еще: |
4:14 См.: 🔗Быт. 41:40 | яко из дому юзников изыдет царствовати, понеже и в царстве своем родися нищь. |
4:15 | Видех всех живущих, ходящих под солнцем, с юным вторым, иже востанет вместо его. |
4:16 См.: 🔗Еккл. 1:14 | Несть конца всем людем, всем, иже пред ними быша, ибо последнии не возвеселятся о нем: яко и сие суета и произволение духа. |
4:17 | Сохрани ногу твою, егда аще идеши в дом Божий, и близ (буди) еже слушати: паче даяния безумных жертва твоя, понеже не ведят, яко творят зло. |