Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 31 | |
31:1 См.: 🔗Рим. 4:7 | Блажени, ихже оставишася беззакония, и ихже прикрышася греси. |
31:2 См.: 🔗2Кор. 5:19 | Блажен муж, емуже не вменит Господь греха, ниже есть во устех его лесть. |
31:3 | Яко умолчах, обетшаша кости моя, от еже звати ми весь день, |
31:4 См.: 🔗Пс. 37:5 | яко день и нощь отяготе на мне рука Твоя: возвратихся на страсть, егда унзе ми терн. |
31:5 См.: 🔗Прит. 28:13 🔗1Ин. 1:9 | Беззаконие мое познах и греха моего не покрых, рех: исповем на мя беззаконие мое Господеви: и Ты оставил еси нечестие сердца моего. |
31:6 См.: 🔗Ис. 55:6 | За то помолится к Тебе всяк преподобный во время благопотребно: обаче в потопе вод многих к нему не приближатся. |
31:7 См.: 🔗Пс. 9:10 | Ты еси прибежище мое от скорби обдержащия мя: радосте моя, избави мя от обышедших мя. |
31:8 | Вразумлю тя, и наставлю тя на путь сей, в оньже пойдеши: утвержу на тя очи Мои. |
31:9 См.: 🔗Прит. 26:3 | Не будите яко конь и меск, имже несть разума: броздами и уздою челюсти их востягнеши, не приближающихся к тебе. |
31:10 См.: 🔗Ис. 57:20 | Многи раны грешному: уповающаго же на Господа милость обыдет. |
31:11 | Веселитеся о Господе и радуйтеся праведнии, и хвалитеся, вси правии сердцем. |