Книга пророка Исаии, глава 50

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 50
50:1	Тако глаголет Господь: кая книга отпущения матере вашея, еюже отпустих ю? Или коему заимодавцу продах вы? Се, грехми вашими продастеся, и беззаконий ради ваших отпустих матерь вашу.
50:2 См.: 🔗Чис. 11:23 🔗Ис. 59:1 🔗Ис. 65:2 🔗Наум. 1:4	Что яко приидох, и не бяше человека? Звах, и не бе послушающаго? Еда не может рука Моя избавити, или не могу изяти? Се, запрещением Моим опустошу море и положу реки пусты, и изсхнут рыбы их не сущей воде и умрут жаждею:
50:3 См.: 🔗Отк. 6:14	облеку небо во тму и положу аки вретище одежду его.
50:4 См.: 🔗Мф. 7:29 🔗Мк. 1:22	Господь Господь дает Мне язык научения, еже разумети, егда подобает рещи слово: положи Мя утро утро, приложи Ми ухо, еже слышати,
50:5 См.: 🔗Ин. 15:10	и наказание Господне отверзает ушы Мои: Аз же не противлюся, ни противоглаголю.
50:6 См.: 🔗Мф. 26:67	Плещы Мои вдах на раны и ланите Мои на заушения, лица же Моего не отвратих от студа заплеваний,
50:7	и Господь Господь помощник Ми бысть: сего ради не усрамихся, но положих лице Свое аки твердый камень и разумех, яко не постыждуся:
50:8 См.: 🔗Рим. 8:33	зане приближается оправдавый Мя. Кто пряйся со Мною? Да сопротивостанет Мне купно. И кто судяйся со Мною? Да приближится ко Мне.
50:9 См.: 🔗Рим. 8:34 🔗Пс. 101:27 🔗Ис. 51:8	Се, Господь Господь поможет Ми: кто озлобит Мя? Се, вси вы яко риза обетшаете, и яко молие изяст вы.
50:10 См.: 🔗Пс. 111:4 🔗Ис. 49:23	Кто в вас бояйся Господа? Да послушает гласа Отрока Его. Ходящии во тме, и несть им света, надейтеся на имя Господне и утвердитеся о Бозе.
50:11	Се, вси вы огнь раждизаете и укрепляете пламень: ходите светом огня вашего и пламенем, егоже разжегосте. Мене ради быша сия вам, в печали успнете.