Откровение Иоанна Богослова (Апокалипсис), глава 21

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 21
21:1 См.: 🔗Ис. 65:17 🔗2Пет. 3:13	И видех небо ново и землю нову: первое бо небо и земля первая преидоста, и моря несть ктому.
21:2 См.: 🔗Ис. 52:1 🔗Ис. 54:5 🔗2Кор. 11:2 🔗Гал. 4:26 🔗Евр. 12:22 🔗Отк. 3:12	И аз Иоанн видех град святый, Иерусалим нов сходящь от Бога с небесе, приготован яко невесту украшену мужу своему.
21:3 См.: 🔗Лев. 26:12 🔗Иез. 43:7	И слышах глас велий с небесе, глаголющь: се, скиния Божия с человеки, и вселится с ними: и тии людие Его будут, и Сам Бог будет с ними Бог их:
21:4 См.: 🔗Ис. 25:8 🔗Ис. 35:10 🔗Отк. 7:17	и отимет Бог всяку слезу от очию их, и смерти не будет ктому: ни плача, ни вопля, ни болезни не будет ктому, яко первая мимоидоша.
21:5 См.: 🔗Ис. 43:19 🔗2Кор. 5:17	И рече Седяй на престоле: се, нова вся творю. И глагола ми: напиши, яко сия словеса истинна и верна суть.
21:6 См.: 🔗Отк. 1:8 🔗Отк. 22:13	И рече ми: совершишася. Аз есмь Алфа и Омега, начаток и конец: аз жаждущему дам от источника воды животныя туне.
21:7 См.: 🔗Евр. 8:10	Побеждаяй наследит вся, и буду ему Бог, и той будет Мне в сына.
21:8 См.: 🔗1Кор. 6:9 🔗Гал. 5:19	Страшливым же и неверным, и скверным и убийцам, и блуд творящым и чары творящым, идоложерцем и всем лживым, часть им в езере горящем огнем и жупелом, еже есть смерть вторая.
21:9 См.: 🔗Отк. 15:1 🔗Отк. 19:7	И прииде ко мне един от седми Ангел, имущих седмь фиал исполненых седмих язв последних, и рече ко мне, глаголя: гряди, покажу ти невесту Агнчу жену.
21:10	И веде мя духом на гору велику и высоку и показа ми град великий, святый Иерусалим низходящь с небесе от Бога,
21:11	имущь славу Божию: и светило его подобно камени драгому, яко камени иаспису кристаловидну:
21:12 См.: 🔗Иез. 48:31	имущь стену велику и высоку, имущь врат дванадесять, и на вратех Ангелов дванадесять и имена написана, яже суть имена дванадесятим коленом сынов Израилевых:
21:13	от востока врата троя и от севера врата троя, от юга врата троя и от запада врата троя.
21:14 См.: 🔗Мф. 16:18 🔗Гал. 2:9 🔗Еф. 2:20	И стена града имеяше оснований дванадесять, и на них имен дванадесять Апостолов Агнчих.
21:15 См.: 🔗Иез. 40:3	И глаголяй со мною имеяше трость злату, да измерит град и врата его и стены его.
21:16	И град на четыри углы стоит, и долгота его толика есть, елика же и широта. И измери град тростию на стадий дванадесять тысящ: долгота и широта и высота его равна суть.
21:17	И размери стену его во сто и четыридесять и четыри лакти, в меру человеческу, яже есть Ангела.
21:18	И бе создание стены его иаспис: и град злато чисто, подобен стклу чисту.
21:19 См.: 🔗Исх. 28:17 🔗Ис. 54:11	И основания стены града всяким драгим камением украшена бяху: основание первое иаспис, второе сапфир, третие халкидон, четвертое смарагд,
21:20	пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист.
21:21	И дванадесять врат дванадесять бисеров: едина каяждо врата беша от единаго бисера. И стогны града злато чисто, яко сткло пресветло.
21:22	И храма не видех в нем: Господь бо Бог Вседержитель храм ему есть, и Агнец.
21:23 См.: 🔗Ис. 60:19 🔗Отк. 22:5	И град не требуя солнца и луны, да светят в нем, слава бо Божия просвети его, и светилник его Агнец.
21:24 См.: 🔗Ис. 60:3	И языцы спасени во свете его пойдут, и царие земстии принесут славу и честь свою в него.
21:25 См.: 🔗Ис. 60:11 🔗Отк. 22:5	И врата его не имут затворитися во дни: нощи бо не будет ту.
21:26	И принесут славу и честь языков в него:
21:27 См.: 🔗Ис. 35:8 🔗Отк. 20:12	и не имать в него внити всяко скверно, и творяй мерзость и лжу, но токмо написаныя в книгах животных Агнца.