Вторая книга Паралипоменон (Вторая книга Хроник, Вторая Летопись), глава 27

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 27
27:1 См.: 🔗4Цар. 15:33	Сын двадесяти и пяти лет бяше Иоафам, егда царствовати нача, и шестьнадесять лет царствова во Иерусалиме. Имя же матере его Иеруса, дщи Садокова.
27:2 См.: 🔗4Цар. 15:34	И сотвори правое пред Господем по всем, яже сотвори Озиа отец его, обаче не вниде в церковь Господню, и еще людие согрешаху.
27:3 См.: 🔗Неем. 3:26 🔗Неем. 11:21	Той созда врата дому Господня высокая, и на стене Офли созда многа:
27:4	и грады созда на горах Иудиных, и в дубравех дворы и столпы.
27:5	И той ополчися противу царя сынов Аммоних и одоле его: и даяху ему сынове Аммони на всякое лето по сту талант сребра и десять тысящ кор (мер) пшеницы и десять тысящ ячменя: сия ему приношаше царь сынов Аммоних на лето, в первое лето и второе и третие.
27:6	И укрепися Иоафам, яко уготова пути своя пред Господем Богом своим.
27:7 См.: 🔗4Цар. 15:32	Прочая же словеса Иоафамля, и брань, и деяния его, се, писана в книзе царей Иудиных и Израилевых.
27:8	Сын двадесяти и пяти лет бяше, егда царствовати нача, и шестьнадесять лет царствова во Иерусалиме.
27:9 См.: 🔗4Цар. 15:38	Успе же Иоафам со отцы своими и погребен бысть во граде Давидове. И воцарися Ахаз сын его вместо его.