Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 | Пророчествова же Аггей пророк и Захариа сын Аддов прорицание ко Иудеом, иже бяху во Иудеи и Иерусалиме, во имя Бога Израилева на них. |
5:2 См.: 🔗1Пар. 3:19 🔗Мф. 1:12 | Тогда востаста Зоровавель сын Салафиилев и Иисус сын Иоседеков и начаста здати дом Божий, иже во Иерусалиме: и с нима пророцы Божии помогающе има. |
5:3 См.: 🔗2Езд. 6:4 | В то время прииде к ним Фафанай князь сущий за рекою и Сафарвузанай и сослужителие их, и сия рекоша им: кто даде вам власть созидати дом сей и стены сия возставляти? |
5:4 | Тогда сия рекоша им: кая суть имена мужей созидающих град сей? |
5:5 См.: 🔗Зах. 4:10 | И очи Божии на пленение Иудино, и не возбраниша им, дондеже послание к Дарию отнесено, и тогда послася с писмоносцем о сем. |
5:6 | Изявление послания, еже посла Фафанай князь об он пол реки и Сафарвузанай и сослужителие их Афарсахее, иже бяху за рекою, Дарию царю: |
5:7 | словесы послаша к нему, и сия писана в нем: Дарию царю мир всяк: |
5:8 См.: 🔗Втор. 10:17 | ведомо да будет царю, яко ходихом во Иудейскую страну к дому Бога великаго, и той созидается камением избранным, и древа ставятся в стенах, дело же то со тщанием строится и благопоспешается в руках их: |
5:9 | тогда вопросихом старейшин тех и тако рекохом им: кто даде вам власть дом сей созидати и стены сия возставляти? |
5:10 | И о именех их вопросихом их, да возвестим тебе, яко да напишем тебе имена мужей, иже суть началницы их: |
5:11 См.: 🔗3Цар. 6:1 | и сицева словеса отвещаша нам глаголюще: мы есмы раби Бога небесе и земли, и созидаем дом, иже бысть устроен прежде сего за лета многа, и царь Израилев великий созда его и соверши его им: |
5:12 См.: 🔗2Пар. 36:16 🔗4Цар. 24:20 | егда же прогневаша отцы наши Бога небеснаго, предаде их в руки Навуходоносора царя Вавилонскаго Халдеанина, и дом сей разори и люди преведе в Вавилон: |
5:13 См.: 🔗2Пар. 36:22 🔗1Езд. 1:1 | но в лето первое Кира царя, Кир царь Вавилонский постави повеление, да дом Божий сей созиждется, |
5:14 См.: 🔗1Езд. 1:7 | и сосуды дому Божия златыя и сребряныя, яже Навуходоносор взя из дому, иже во Иерусалиме, и отнесе я в храм Вавилонский, изнесе тыя Кир царь от храма Вавилонскаго и даде их Саванасару хранителю, иже над сокровищем, |
5:15 | и рече ему: вся сосуды сия возми и иди, и постави их в дому, иже есть во Иерусалиме, на место их: |
5:16 См.: 🔗1Езд. 1:8 | тогда Саванасар той прииде и постави основание дому Божия во Иерусалиме, и от того времене даже доныне созидается, и еще не совершен есть: |
5:17 | и ныне аще (видится) царю благо, да посмотрит в дому сокровища царя Вавилонскаго, да увеси, яко от царя Кира бысть повеление созидати дом Божий сей, иже во Иерусалиме, и уведав о сем царь да послет к нам. |