Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 11 | |
11:1 См.: 🔗Втор. 12:1 | И да возлюбиши Господа Бога твоего, и сохраниши стражбы Его и оправдания Его и заповеди Его и суды Его во вся дни. |
11:2 | И увесте днесь, яко не чада ваша, елицы не сведеша, ниже видеша наказания Господа Бога твоего и величества Его, и руки сильныя и мышцы высокия, |
11:3 | и знамений Его и чудес Его, елика сотвори посреде Египта фараону царю Египетску и всей земли его, |
11:4 См.: 🔗Исх. 14:25 🔗Исх. 15:1 | и елика сотвори силе Египетстей: колесницы их и кони их како потопи вода моря Чермнаго, пред лицем их, гонящым им вслед вас, и погуби их Господь Бог до днешняго дне: |
11:5 | и елика сотвори вам в пустыни, дондеже приидосте на место сие: |
11:6 См.: 🔗Чис. 16:30 🔗Пс. 105:17 | и елика сотвори Дафану и Авирону сыном Елиава сына Рувимля, яже отверзши земля уста своя пожре их, и домы их, и кущы их, и все их имение с ними, среди всего Израиля: |
11:7 | яко очи ваши видеста вся дела Господня великая, елика сотвори в вас днесь. |
11:8 | И сохраните вся заповеди Его, елики аз заповедаю вам днесь, да живете и умножитеся, и внидете и наследите землю, на нюже вы преходите чрез Иордан тамо наследити ю: |
11:9 См.: 🔗Втор. 4:40 🔗Втор. 5:33 | да многи дни будете на земли, еюже клятся Господь отцем вашым дати им и семени их по них землю кипящую млеком и медом. |
11:10 См.: 🔗3Цар. 21:2 | Есть бо земля, на нюже вы идете тамо наследити ю, не яко земля Египетска есть, отнюдуже изыдосте, егда сеют семя и напаяют ю ногами своими, аки вертоград зелейный: |
11:11 См.: 🔗Пс. 64:10 🔗Пс. 103:13 | земля же, в нюже ты входиши тамо наследити ю, земля нагорная и равная, от дождя небеснаго напаяется водою: |
11:12 См.: 🔗Пс. 64:12 | земля, на нюже Господь Бог твой присещает всегда, очи Господа Бога твоего на ней от начала лета и до конца лета. |
11:13 См.: 🔗Втор. 28:1 | Аще же слухом послушаете всех заповедий Его, яже аз заповедаю тебе днесь, любити Господа Бога твоего и служити Ему от всего сердца твоего и от всея души твоея, |
11:14 | и даст дождь земли твоей во время ранный и поздный, и собереши жита твоя и вино твое и елей твой: |
11:15 | и даст пищу на селех скотом твоим. |
11:16 См.: 🔗Исх. 23:24 | И ядый и насытився, внемли себе, да не разширится сердце твое, и преступите, и послужите богом иным, и поклонитеся им: |
11:17 См.: 🔗Лев. 26:19 🔗Втор. 4:26 | и яростию разгневается Господь на вы и затворит небо, и не будет дождя, и земля не даст плода своего, и погибнете вскоре от земли благия, юже Господь даде вам. |
11:18 | И вложите словеса сия в сердца ваша и в душу вашу, и наважите я в знамение на руку вашу, и будут непоколебима между очима вашима, |
11:19 См.: 🔗Втор. 4:9 🔗Втор. 6:7 | и научите сим чада своя глаголати сия, седящу тебе в дому и идущу тебе в пути, и возлежащу ти и востающу ти: |
11:20 См.: 🔗Втор. 6:9 | и напишите я на празех домов ваших и врат ваших, |
11:21 См.: 🔗Пс. 88:30 | да умножатся дние ваши и дни сынов ваших на земли, еюже клятся Господь отцем вашым дати им, якоже дние неба на земли. |
11:22 См.: 🔗Втор. 6:5 | И будет аще слухом послушаете всех заповедий сих, яже аз заповедаю вам днесь творити, любити Господа Бога вашего и ходити во всех путех Его и прилепятися к Нему, |
11:23 См.: 🔗Втор. 7:1 | тогда изженет Господь вся языки сия от лица вашего, и одержите языки великия и крепкия паче вас. |
11:24 См.: 🔗Нав. 1:3 | Всякое место, на немже станет стопа ног ваших, вам будет: от пустыни и Антиливана, и от реки великия Евфрата, и даже до моря, еже на западе, будут пределы ваши: |
11:25 См.: 🔗Исх. 23:27 | никтоже противостанет пред лицем вашим: и трепет ваш и страх ваш возложит Господь Бог ваш на лице всея земли, на нюже аще взыдете, якоже глагола Господь к вам. |
11:26 См.: 🔗Втор. 28:2 🔗Втор. 30:1 | Се, Аз даю пред вами днесь благословение и клятву: |
11:27 | благословение, аще послушаете заповедий Господа Бога вашего, елики аз заповедаю вам днесь: |
11:28 | и клятву, аще не послушаете заповедий Господа Бога вашего, елики аз заповедаю вам днесь, и совратитеся с пути, егоже заповедах вам, идуще послужити богом иным, ихже не весте. |
11:29 | И будет егда введет тебе Господь Бог твой в землю, в нюже преходиши тамо наследити ю, да даси благословение на горе Гаризин и клятву на горе Гевал: |
11:30 См.: 🔗Быт. 12:6 🔗Быт. 18:1 | не се ли сия суть об ону страну Иордана, за путем иже на западе солнца, в земли Ханаана обитающаго на западе солнца близ Галгала у дуба Высокаго? |
11:31 | Вы бо преходите Иордан, вшедше наследити землю, юже Господь Бог ваш дает вам в жребий вся дни, и приимете ю, и вселитеся в ню: |
11:32 | и да сохраните творити вся заповеди Его и суды Его, яже аз даю пред вами днесь. |