Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 13 | |
13:1 | И рече Господь к Моисею глаголя: |
13:2 | освяти Ми всякаго первенца перворожденнаго, разверзающаго всякая ложесна в сынех Израилевых от человека до скота, яко Мне есть. |
13:3 См.: 🔗Исх. 23:15 | Рече же Моисей к людем: помните день сей, в оньже изыдосте от земли Египетския, из дому работы: рукою бо крепкою изведе вас Господь отсюду: и не ядите квасна, |
13:4 | понеже в днешний день исходите в месяце плодов новых: |
13:5 См.: 🔗Быт. 15:7 🔗Быт. 17:8 | и будет, егда введет тя Господь Бог твой в землю Хананейску и Хеттейску, и Аморрейску и Евейску, и Иевусейску и Гергесейску и Ферезейску, еюже клятся ко отцем твоим, дати тебе землю точащую млеко и мед, и сотвориши службу сию сего месяца: |
13:6 | шесть дний ядите опресноки, в седмый же день праздник Господу, |
13:7 См.: 🔗1Кор. 5:8 | опресноки ядите седмь дний: да не явится тебе квасное, ниже будет тебе квас во всех пределех твоих, |
13:8 См.: 🔗Исх. 12:26 | и возвестиши сыну твоему в день он, глаголя: сего ради сотворил Господь Бог мне, егда исхождах из Египта: |
13:9 См.: 🔗Втор. 6:8 🔗Втор. 11:18 | и будет тебе знамение на руце твоей, и воспоминание пред очима твоима, яко да будет закон Господнь во устех твоих, рукою бо крепкою изведе тя Господь Бог из Египта: |
13:10 См.: 🔗Исх. 12:14 | и сохраните закон сей по временом уставленым, от дний до дний, |
13:11 См.: 🔗Быт. 15:18 | и будет егда введет тя Господь Бог твой в землю Хананейску, якоже кляся отцем твоим, и даст ю тебе: |
13:12 См.: 🔗Исх. 13:2 | и отлучиши всякое разверзающее ложесна, мужеск пол Господу: всякое разверзающее ложесна от стад или от скот твоих, елика будут тебе, мужеск пол освятиши Господу: |
13:13 См.: 🔗Исх. 34:20 🔗Чис. 3:46 | всякое разверзающее утробу ослю премениши овцею: аще же не премениши, искупиши е: и всякаго первенца человеча сынов твоих да искупиши: |
13:14 См.: 🔗Исх. 12:26 | аще же вопросит тя сын твой по сих, глаголя: что сие? И речеши ему: яко рукою крепкою изведе нас Господь из земли Египетския, из дому работы, |
13:15 См.: 🔗Исх. 4:23 🔗Исх. 12:29 | егда бо ожесточися фараон отпустити нас, изби Господь всякаго первенца в земли Египетстей, от первенца человеча до первенца скотия: сего ради аз в жертву приношу всякое разверзающее ложесна, мужеск пол Господу, и всякаго первенца сынов моих искуплю, |
13:16 См.: 🔗Втор. 6:8 | и будет в знамение на руце твоей, и непоколебимо пред очесы твоими: рукою бо крепкою изведе тя Господь из Египта. |
13:17 См.: 🔗1Кор. 10:13 | Егда же отпусти фараон люди, не поведе их Бог путем земли Филистимския, яко близ бяше, ибо рече Бог: да не когда раскаются людие, видевше рать, и возвратятся во Египет. |
13:18 См.: 🔗Пс. 77:52 | И обведе Бог люди путем, иже в пустыню к Чермному морю. Пятаго же рода изыдоша сынове Израилевы от земли Египетския. |
13:19 См.: 🔗Быт. 50:25 🔗Нав. 24:32 | И взя Моисей кости Иосифовы с собою: клятвою бо закля Иосиф сыны Израилевы, глаголя: присещением присетит вас Господь, и изнесете отсюду кости моя с собою. |
13:20 См.: 🔗Чис. 33:6 | Воздвигшеся же сынове Израилевы от Сокхофа, ополчишася во Офоме при пустыни. |
13:21 | Бог же вождаше их, в день убо столпом облачным, показати им путь, нощию же столпом огненным, светити им: |
13:22 | и не оскуде столп облачный во дни и столп огненный нощию пред всеми людьми. |