Псалтирь, псалом 100

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 100
100:1 См.: 🔗Пс. 88:2	Милость и суд воспою Тебе, Господи:
100:2 См.: 🔗1Цар. 18:14 🔗1Пар. 18:14	пою и разумею в пути непорочне: когда приидеши ко мне? Прехождах в незлобии сердца моего посреде дому моего.
100:3 См.: 🔗Пс. 138:21	Не предлагах пред очима моима вещь законопреступную: творящыя преступление возненавидех.
100:4 См.: 🔗Пс. 6:9	Не прильпе мне сердце строптиво: уклоняющагося от мене лукаваго не познах.
100:5	Оклеветающаго тай искренняго своего, сего изгонях: гордым оком и несытым сердцем, с сим не ядях.
100:6 См.: 🔗Мк. 3:35	Очи мои на верныя земли, посаждати я со мною: ходяй по пути непорочну, сей ми служаше.
100:7	Не живяше посреде дому моего творяй гордыню: глаголяй неправедная не исправляше пред очима моима.
100:8	Воутрия избивах вся грешныя земли, еже потребити от града Господня вся делающыя беззаконие.