Книга Притчей Соломоновых, глава 29

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 29
29:1 См.: 🔗Прит. 28:14	Лучше муж обличаяй, нежели муж жестоковыйный: внезапу бо палиму ему, несть изцеления.
29:2 См.: 🔗Исх. 2:23	Похваляемым праведным, возвеселятся людие: началствующым же нечестивым, стенят мужие.
29:3 См.: 🔗Прит. 10:1 🔗Лк. 15:13	Мужу любящу премудрость, веселится отец его: а иже пасет любодейцы, погубит богатство.
29:4	Царь праведен возвышает землю, муж же законопреступник раскоповает.
29:5	Иже уготовляет на лице своему другу мрежу, облагает ю на своя ноги.
29:6 См.: 🔗Пс. 9:17	Согрешающему мужу велия сеть: праведный же в радости и в веселии будет.
29:7 См.: 🔗Прит. 28:5	Умеет праведный суд творити убогим, а нечестивый не разумеет разума, и убогому несть ума разумевающаго.
29:8 См.: 🔗Прит. 11:11 🔗Еккл. 9:18	Мужие беззаконнии сожгоша град, мудрии же отвратиша гнев.
29:9	Муж мудр судит языки, муж же злый гневаяйся посмеваемь бывает, а не устрашает.
29:10	Мужие кровей причастни возненавидят преподобнаго, правии же взыщут душу его.
29:11 См.: 🔗Прит. 15:1	Весь гнев свой произносит безумный: премудрый же скрывает по части.
29:12 См.: 🔗Сир. 10:2	Царю послушающу словесе неправедна, вси, иже под ним, законопреступницы.
29:13	Заимодавцу и должнику, друг со другом сошедшымся, посещение творит обема Господь.
29:14 См.: 🔗Прит. 16:12 🔗Прит. 20:28 🔗Прит. 25:5	Царю во истине судящему нищым, престол его во свидетелство устроится.
29:15 См.: 🔗Прит. 10:1	Язвы и обличения дают мудрость: отрок же заблуждаяй срамляет родители своя.
29:16 См.: 🔗Пс. 36:36	Многим сущым нечестивым мнози греси бывают, праведнии же, оным падающым, устрашаеми бывают.
29:17 См.: 🔗Прит. 23:13	Наказуй сына твоего, и упокоит тя и даст лепоту души твоей.
29:18	Не будет сказатель языку законопреступну, храняй же закон блажен.
29:19	Не накажется словесы раб жесток: аще бо и уразумеет, но не послушает.
29:20 См.: 🔗Еккл. 5:1 🔗Иак. 1:19 🔗Прит. 26:12	Аще увидиши мужа скора в словесех, разумей, яко упование имать паче его безумный.
29:21 См.: 🔗Сир. 33:26	Иже ласкосерд будет от детства, поработится, на последок же болезновати будет о сем.
29:22 См.: 🔗Прит. 15:18	Муж гневливый воздвизает свар, муж же ярый открывает грехи.
29:23 См.: 🔗Иов. 22:29 🔗Прит. 15:33 🔗Мф. 23:12	Досаждение мужа смиряет, а смиренныя утверждает Господь в славе.
29:24 См.: 🔗Лев. 5:1	Иже сообщается татю, ненавидит своея души: аще же клятву предложенную слышавшии не возвестят,
29:25 См.: 🔗Мф. 14:5 🔗Прит. 16:20 🔗Иер. 17:7	убоявшеся и постыдевшеся человеков, преткнутся: надеявыйся же на Господа возвеселится. Нечестие мужу дает соблажнение: уповаяй же на Владыку спасется.
29:26 См.: 🔗Прит. 19:6	Мнози угождают лицам началников: от Господа же сбывается правда мужу.
29:27 См.: 🔗Ин. 15:19	Мерзость праведнику муж неправеден: мерзость же законопреступному путь правоведяй.