Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 19 | |
19:1 | Месяца же третияго изшествия сынов Израилевых от земли Египетския, в сий день приидоша в пустыню Синайскую: |
19:2 См.: 🔗Чис. 33:15 | и воздвигошася от Рафидина и приидоша в пустыню Синайскую, и ополчися тамо Израиль прямо горы. |
19:3 См.: 🔗Деян. 7:38 | Моисей же взыде на гору Божию, и воззва его Бог от горы глаголя: сия возглаголеши дому Иаковлю и повеси сыном Израилевым: |
19:4 См.: 🔗Втор. 29:2 | сами видесте, елика сотворих Египтяном, и подях вас яко на крилех орлих и приведох вас к Себе: |
19:5 См.: 🔗Втор. 5:2 🔗Пс. 23:1 | и ныне аще слухом послушаете гласа Моего и сохраните завет Мой, будете Ми людие избранни от всех язык: Моя бо есть вся земля: |
19:6 См.: 🔗1Пет. 2:9 | вы же будете Ми царское священие и язык свят: сия словеса да речеши сыном Израилевым. |
19:7 | Прииде же Моисей и призва старцы людския и предложи им вся словеса сия, яже завеща им Бог. |
19:8 | Отвещаша же вси людие единодушно и рекоша: вся, елика рече Бог, сотворим и послушаем. Донесе же Моисей словеса сия к Богу, |
19:9 | и рече Господь к Моисею: се, Аз прииду к тебе в столпе облачне, да услышат людие глаголюща мя к тебе и да тебе веруют во веки. Поведа же Моисей словеса людий ко Господу. |
19:10 | Рече же Господь Моисею: сошед засвидетелствуй людем и очисти я днесь и утре, и да исперут ризы, |
19:11 | и да будут готовы в день третий: в третий бо день снидет Господь на гору Синайскую пред всеми людьми: |
19:12 См.: 🔗Евр. 12:20 | и устроиши люди окрест глаголя: внемлите себе не восходити на гору и ни чимже коснутися ея: всяк прикоснувыйся горе смертию умрет: |
19:13 | не коснется ей рука, камением бо побиется или стрелою устрелится, аще скот, аще человек, не будет жив: егда же гласи и трубы и облак отидет от горы, сии взыдут на гору. |
19:14 См.: 🔗Нав. 3:5 | Сниде же Моисей с горы к людем, и освяти я, и испраша ризы своя: |
19:15 См.: 🔗1Цар. 21:4 🔗1Кор. 7:5 | и рече людем: будите готови, три дни не входите к женам. |
19:16 См.: 🔗Втор. 5:4 | Бысть же в третий день бывшу ко утру, и быша гласи и молния и облак мрачен на горе Синайстей, глас трубный глашаше зело: и убояшася вси людие, иже в полце: |
19:17 См.: 🔗Втор. 4:10 | изведе же Моисей люди во сретение Богу из полка, и сташа под горою. |
19:18 | Гора же Синайская дымяшеся вся, схождения ради Божия на ню во огни, и восхождаше дым, яко дым пещный: и ужасошася вси людие зело. |
19:19 См.: 🔗Деян. 7:38 | Быша же гласи трубнии происходяще крепцы зело: Моисей глаголаше, Бог же отвещаваше ему гласом. |
19:20 См.: 🔗3Цар. 19:8 | Сниде же Господь на гору Синайскую на верх горы, и воззва Господь Моисеа на верх горы, и взыде Моисей: |
19:21 | и рече Бог к нему глаголя: сошед засвидетелствуй людем, да не когда приступят к Богу уразумети, и падут от них мнози: |
19:22 См.: 🔗Лев. 10:3 | жерцы же приступающии ко Господу Богу да освятятся, да не когда погубит от них Господь. |
19:23 | И рече Моисей к Богу: не возмогут людие взыти на гору Синайскую: Ты бо завещал еси нам глаголя: определи гору и освяти ю. |
19:24 | И рече ему Господь: иди, сниди и взыди ты и Аарон с тобою: жерцы же и людие да не нудятся взыти к Богу, да не когда погубит от них Господь. |
19:25 | Сниде же Моисей к людем и поведа им. |