Псалтирь, псалом 26

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 26
26:1 См.: 🔗Пс. 117:6 🔗Мих. 7:8	Господь просвещение мое и спаситель мой, кого убоюся? Господь защититель живота моего, от кого устрашуся?
26:2	Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша.
26:3 См.: 🔗Пс. 3:7	Аще ополчится на мя полк, не убоится сердце мое: аще востанет на мя брань, на него аз уповаю.
26:4 См.: 🔗Пс. 22:6	Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм Святый Его.
26:5 См.: 🔗Пс. 30:21	Яко скры мя в селении Своем в день зол моих, покры мя в тайне селения Своего, на камень вознесе мя.
26:6	И ныне се, вознесе главу мою на враги моя: обыдох и пожрох в селении Его жертву хваления и воскликновения: пою и воспою Господеви.
26:7 См.: 🔗Пс. 4:2	Услыши, Господи, глас мой, имже воззвах, помилуй мя и услыши мя.
26:8 См.: 🔗Пс. 49:15	Тебе рече сердце мое: Господа взыщу, взыска Тебе лице мое, лица Твоего, Господи, взыщу.
26:9 См.: 🔗3Цар. 8:57	Не отврати лица Твоего от мене и не уклонися гневом от раба Твоего: помощник мой буди, не отрини мене и не остави мене, Боже, Спасителю мой.
26:10 См.: 🔗Ис. 63:16 🔗Ис. 64:8	Яко отец мой и мати моя остависта мя, Господь же восприят мя.
26:11 См.: 🔗Пс. 24:4 🔗Пс. 85:11	Законоположи ми, Господи, в пути Твоем, и настави мя на стезю правую враг моих ради.
26:12 См.: 🔗Пс. 30:9	Не предаждь мене в душы стужающих ми: яко восташа на мя свидетеле неправеднии, и солга неправда себе.
26:13 См.: 🔗Ис. 38:11	Верую видети благая Господня на земли живых.
26:14 См.: 🔗Ис. 25:9 🔗Авв. 2:9	Потерпи Господа, мужайся, и да крепится сердце твое, и потерпи Господа.