Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 См.: 🔗3Цар. 15:8 | И успе Авиа со отцы своими, и погребоша его во граде Давидове. И воцарися Аса сын его вместо его во дни же Асы почи земля Иудина лет десять. |
14:2 См.: 🔗3Цар. 15:11 | И сотвори Аса благое и правое пред Господем Богом своим: |
14:3 См.: 🔗3Цар. 15:12 | и отверже олтари чуждых и высокая, и сокруши идолы и посече дубравы: |
14:4 | и повеле Иуде, да взыщет Господа Бога отец своих и да сотворит закон Его и заповеди: |
14:5 | и изверже из всех градов Иудиных олтари и идолы, и царствова в мире. |
14:6 | И созда грады крепки в земли Иудине, зане в покои бысть земля, и не бе ему брани в лета сия, мир во Господь даде ему. |
14:7 | Рече же Иуде: созиждем грады сия, и сотворим стены и столпы, и врата и вереи, дондеже землею господствуем: зане якоже взыскахом Господа Бога нашего, взыска и нас, и воздаде нам мир окрест, и благопоспешствова нам. |
14:8 | И бысть сила Асе оруженосцев носящих щиты и копия в земли Иудине триста тысящ, в земли же Вениамини щитников и стрелцев двести осмьдесят тысящ: вси сии воини сильнии. |
14:9 См.: 🔗2Пар. 16:8 | Изыде же противу их Зарай Ефиоплянин с силою в тысящы тысящей, и колесниц триста, и прииде даже до Мариса. |
14:10 | И изыде Аса противу ему и устрои брань в дебри на север Мариса. |
14:11 См.: 🔗1Цар. 14:6 | И возопи Аса ко Господу Богу своему и рече: Господи, не изнеможет у Тебе спасати во многих и в малых, укрепи нас, Господи Боже наш, яко на Тя уповахом и о имени Твоем изыдохом на множество многое сие: Господи Боже наш, Ты еси Бог, да не превозможет противу Тебе человек. |
14:12 См.: 🔗2Пар. 13:15 🔗2Пар. 16:8 | И порази Господь Ефиопы пред Асою и Иудою и бежаша Ефиопи: |
14:13 | и погна их Аса и людие его даже до Гедора: и падоша Ефиопи, даже не быти в них останку, яко сотрени быша пред Господем и пред силою Его, и плениша корысти многи: |
14:14 См.: 🔗2Пар. 17:10 🔗2Пар. 20:29 | и изсекоша веси их окрест Гедора, велик бо страх Господень объят их, и плениша вся грады их, зане многи корысти быша в них: |
14:15 | и кущы скотския и амазонов изсекоша, и взяша скота множество и велблюды, и возвратишася во Иерусалим. |