Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 12 | |
12:1 См.: 🔗Прем. 1:7 🔗Пс. 138:7 | Нетленный бо дух Твой есть во всех. |
12:2 См.: 🔗Иер. 10:24 | Темже заблуждающих помалу обличаеши, и в нихже согрешают, воспоминая учиши, да пременившеся от злобы веруют в Тя, Господи. |
12:3 См.: 🔗Втор. 9:5 | И древних бо обитателей земли святыя Твоея возненавидев, |
12:4 См.: 🔗Лев. 18:3 | ради деяний злых волшвений, яже творяху, и жертв непреподобных, |
12:5 | и чадоубийц немилостивых, и утробоядцев человеческих плотей, и кровопийцев от среды святыни Твоея, |
12:6 | и родителей убивших душы безпомощныя, восхотел еси погубити руками отец наших: |
12:7 | да достойное приимет преселение отроков Божиих, яже у Тебе всех дражайшая земля. |
12:8 См.: 🔗Исх. 23:27 🔗Втор. 7:20 | Но и сих яко человеков пощадил еси, послал же еси предтекущыя воинства Твоего осы, яко да тех помалу истребят. |
12:9 | Не несилен еси во брани покорити нечестивых праведным, или зверем свирепым, или словом жестоким до единаго потребити: |
12:10 | судящь же помалу давал еси место покаянию, не неведяй, яко лукав род их и естественная злоба их, и яко не пременится помышление их во век. |
12:11 См.: 🔗Быт. 9:25 | Семя бо бе проклято от начала: ниже бояйся кого, отпущение даял еси грехом их. |
12:12 См.: 🔗Рим. 9:20 | Кто бо речет (Тебе): что сотворил еси? Или кто станет противу суду Твоему? Кто же истяжет Тя о языцех погибших, ихже Ты сотворил еси? Или кто в предстателство Тебе приидет, отмститель на неправедныя человеки? |
12:13 См.: 🔗1Пет. 5:7 | Несть бо ин Бог разве Тебе, иже радиши о всех, да покажеши, яко не неправо судил еси. |
12:14 | Ниже царь, или мучитель противу Тебе воззрети может, о ихже погубил еси. |
12:15 | Праведен же сый, праведно вся управляеши, недолжнаго же мучитися осудити чуждо мниши Твоея силы. |
12:16 См.: 🔗Пс. 144:9 🔗Рим. 11:32 | Крепость бо Твоя правды начало и еже над всеми Твое владычество, всех щадети творит. |
12:17 | Крепость бо показуеши неверующым о совершенстве силы, а в ведущих дерзость обличаеши. |
12:18 См.: 🔗Пс. 102:10 🔗Сир. 18:9 | Ты же владычествуяй силою в кротости судиши и с великим щадением разсмотряеши нас: с Тобою бо есть, егда хощеши, еже мощи. |
12:19 | Научил же еси люди Твоя сицевыми делы, яко подобает праведному быти человеколюбцу, и благонадежны сотворил еси сыны Твоя, яко даеши о гресех покаяние. |
12:20 См.: 🔗Исх. 8:31 🔗Рим. 2:4 | Аще бо враги отроков Твоих и должных смерти с толиким мучил еси внятием и щадением, даяй времена и место, имиже бы изменилися от злобы: |
12:21 См.: 🔗Рим. 11:24 | с коликим прилежанием судил еси сыны Твоя, ихже отцем клятвы и заветы дал еси благих обещаний. |
12:22 См.: 🔗1Кор. 11:32 | Нас убо наказуя, враги нашя тмами биеши, да благостыню Твою помышляем судяще, судими же чаем милости. |
12:23 | Отюнудуже и неправедных, во безумии поживших живот, свойственными их мерзостьми мучил еси, |
12:24 См.: 🔗Рим. 1:23 | ибо в путех заблуждения должае заблудиша, боги мняще, яже и во животных вражиих безчестна, аки младенцы безумнии прельстившеся. |
12:25 | Сего ради яко отроком несмысленным суд в поругание послал еси: |
12:26 | иже поруганьми прещения не наказавшеся, достойна суда Божия искусят. |
12:27 См.: 🔗Прем. 11:17 | В нихже бо тии страждуще негодоваху, в сих, ихже мняху быти боги, в тех мучими, видяще Егоже прежде отметахуся знати, |
12:28 См.: 🔗Исх. 8:19 | Бога истиннаго познаша: темже и конец осуждения прииде на ня. |