Книга Иова, глава 13

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 13
13:1	Се, сия виде око мое, и слыша ухо мое,
13:2 См.: 🔗Иов. 12:3 🔗Иов. 15:9	и вем, елика и вы весте: и не неразумнее есмь вас.
13:3	Но обаче и аз ко Господу возглаголю, обличу же пред Ним, аще восхощет.
13:4 См.: 🔗Иов. 16:2	Вы бо есте врачеве неправеднии и целителе злых вси,
13:5 См.: 🔗Прит. 17:28	буди же вам онемети, и сбудется вам в премудрость.
13:6	Слышите же обличение уст моих, суду же устен моих вонмите.
13:7	Не пред Богом ли глаголете и пред Ним вещаете лесть?
13:8	Или уклонитеся, вы же сами судии будите.
13:9	Добро бо, аще изследит вас: аще бо вси творящии приложитеся к нему, обаче обличит вы.
13:10 См.: 🔗Втор. 10:17	Аще же и тай лицам удивитеся,
13:11	не движение ли Его смятет вас, боязнь же от Него нападет на вы?
13:12	Отидет же величание ваше равно пепелу, тело же бренно.
13:13	Умолчите, да возглаголю и почию от гнева.
13:14	Вземля плоти моя зубами, душу же мою положу в руце моей.
13:15	Аще мя убиет Сильный, понеже и нача, обаче возглаголю и обличу пред Ним:
13:16 См.: 🔗Мф. 7:23	и сие ми сбудется во спасение: не внидет бо пред Ним лесть.
13:17	Послушайте, послушайте глагол моих: возвещу бо вам слышащым.
13:18	Се, аз близ есмь суда моего, вем аз, яко праведен явлюся.
13:19	Кто бо есть судяйся со мною, да ныне умолчу и изчезну?
13:20	Двое же ми сотвориши, тогда от лица Твоего не скрыюся:
13:21 См.: 🔗Иов. 6:9	руку от мене отими, страх же Твой да не ужасает мя:
13:22 См.: 🔗Иов. 38:3	посем призовеши, аз же Тя послушаю, или возглаголеши, аз же Ти дам ответ.
13:23	Колицы суть греси мои и беззакония моя? Научи мя, кая суть?
13:24 См.: 🔗Пс. 43:25 🔗Иов. 19:11 🔗Иов. 33:10	Почто крыешися от мене? Мниши же мя противна суща Тебе?
13:25	Или яко лист движимь ветром убоишися? Или яко сену носиму ветром противляешимися?
13:26 См.: 🔗Пс. 24:7	Яко написал еси на мя злая, обложил же ми еси юностныя грехи:
13:27	положил же еси ногу мою в возбранение: сохранил же еси дела моя вся: в корения же ног моих пришел еси:
13:28 См.: 🔗Иов. 4:19 🔗Ис. 51:8	иже обетшают якоже мех, или якоже риза молием изядена.