Книга пророка Исаии, глава 9

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1 См.: 🔗Мф. 4:15	Сие прежде испий, скоро твори, страно Завулоня и земле Неффалимля, и прочии при мори живущии, и об ону страну Иордана, Галилеа языков.
9:2 См.: 🔗Мф. 4:16 🔗Еф. 5:14 🔗Лк. 1:79	Людие ходящии во тме видеша свет велий: живущии во стране и сени смертней, свет возсияет на вы.
9:3 См.: 🔗Рим. 15:9 🔗Пс. 118:162	Множайшии людие, яже извел еси, в веселии Твоем: и возвеселятся пред тобою, якоже веселящиися в жатву, и якоже веселятся делящии корысти.
9:4 См.: 🔗Ис. 10:26 🔗Ис. 14:5 🔗Суд. 7:23	Зане отятся ярем лежай на них, и жезл, иже на выи их: жезл бо истязующих разсыпа Господь, якоже в день, иже на Мадиама.
9:5 См.: 🔗Иез. 39:9	Яко всякую одежду собранну лестию и ризу с примирением отдадут, и восхотят, да быша огнем сожжены были.
9:6 См.: 🔗Лк. 2:7 🔗Ин. 3:16 🔗1Ин. 4:9 🔗Суд. 13:18	Яко отроча родися нам, Сын, и дадеся нам, егоже началство бысть на раме Его: и нарицается имя Его: велика совета Ангел, Чуден, Советник, Бог крепкий, Властелин, Князь мира, Отец будущаго века: приведу бо мир на князи, мир и здравие Ему.
9:7 См.: 🔗Лк. 1:32	И велие началство Его, и мира Его несть предела на престоле Давидове и на царстве его, исправити е и заступити его в суде и правде, отныне и до века: ревность Господа Саваофа сотворит сия.
9:8	Смерть посла Господь на Иакова, и прииде на Израиля:
9:9	и уразумеют вси людие Ефремовы и живущии в Самарии, в досаждении и высоцем сердцы глаголюще:
9:10	плинфы падоша, но приидите, изсечем камение и посечем черничие и кедры, и созиждем себе столп.
9:11	И разрушит Бог востающыя на гору Сионю, и враги его разсыплет:
9:12 См.: 🔗Ис. 5:25	Сирию от восток солнца и Еллины от запада солнца, поядающыя Израиля всеми усты. Во всех сих не отвратися ярость Его, но еще рука Его высока.
9:13 См.: 🔗Иер. 5:3 🔗Пс. 33:5	И людие не обратишася, дондеже язвени быша, и Господа не взыскаша.
9:14 См.: 🔗Ис. 19:15	И отят Господь от Израиля главу и ошиб, велика и мала, во един день:
9:15 См.: 🔗Ис. 3:3	старца и чудящихся лицам, сие начало: и пророка учаща беззаконная, сей ошиб.
9:16 См.: 🔗Мф. 15:14 🔗Лк. 6:39	И будут блажащии людий сих льстяще, и льстят, яко да поглотят я.
9:17 См.: 🔗Ис. 5:25 🔗Ис. 10:6	Сего ради о юношах их не возвеселится Господь, и сирот их и вдовиц их не помилует: яко вси беззаконнии и лукавии, и всякая уста глаголют неправду. Во всех сих не отвратися ярость Его, но еще рука Его высока.
9:18 См.: 🔗Ис. 5:24 🔗Ис. 10:16 🔗Наум. 1:10	И разгорится яко огнь беззаконие, и яко троскот сухий пояден будет огнем, и разгорится в чащах дубравных и пояст, яже окрест холмов вся.
9:19 См.: 🔗Соф. 1:18	За ярость гнева Господня сгоре вся земля, и будут людие яко огнем пожжени: человек брата своего не помилует,
9:20	но уклонится на десно, яко взалчет, и снесть от шуиих, и не насытится человек ядый плоти мышцы своея: снесть бо Манассий Ефремово, и Ефрем Манассиино, яко вкупе повоюют Иуду.
9:21 См.: 🔗Ис. 9:12 🔗Ис. 11:13 🔗Гал. 5:15	Во всех сих не отвратися ярость (Его), но еще рука Его высока.