Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 50 | |
50:1 | В конец, псалом Давиду, внегда внити к нему Нафану пророку, |
50:2 См.: 🔗2Цар. 12:1 | егда вниде к Вирсавии жене Уриеве. |
50:3 | Помилуй мя, Боже, по велицей милости Твоей, и по множеству щедрот Твоих очисти беззаконие мое. |
50:4 | Наипаче омый мя от беззакония моего и от греха моего очисти мя: |
50:5 См.: 🔗Пс. 31:5 | яко беззаконие мое аз знаю, и грех мой предо мною есть выну. |
50:6 См.: 🔗Рим. 3:4 | Тебе единому согреших и лукавое пред Тобою сотворих: яко да оправдишися во словесех Твоих и победиши, внегда судити Ти. |
50:7 См.: 🔗Иов. 14:4 | Се бо, в беззакониих зачат есмь, и во гресех роди мя мати моя. |
50:8 См.: 🔗1Кор. 2:7 | Се бо, истину возлюбил еси, безвестная и тайная премудрости Твоея явил ми еси. |
50:9 См.: 🔗Лев. 14:6 | Окропиши мя иссопом, и очищуся: омыеши мя, и паче снега убелюся. |
50:10 | Слуху моему даси радость и веселие: возрадуются кости смиренныя. |
50:11 | Отврати лице Твое от грех моих и вся беззакония моя очисти. |
50:12 | Сердце чисто созижди во мне, Боже, и дух прав обнови во утробе моей. |
50:13 См.: 🔗Мф. 6:13 🔗Иер. 7:15 | Не отвержи мене от лица Твоего и Духа Твоего Святаго не отими от мене. |
50:14 | Воздаждь ми радость спасения Твоего и Духом владычним утверди мя. |
50:15 См.: 🔗Мф. 7:5 | Научу беззаконныя путем Твоим, и нечестивии к Тебе обратятся. |
50:16 См.: 🔗2Цар. 11:15 🔗2Цар. 12:9 | Избави мя от кровей, Боже, Боже спасения моего: возрадуется язык мой правде Твоей. |
50:17 См.: 🔗Пс. 70:8 | Господи, устне мои отверзеши, и уста моя возвестят хвалу Твою. |
50:18 См.: 🔗Пс. 39:7 | Яко аще бы восхотел еси жертвы, дал бых убо: всесожжения не благоволиши. |
50:19 | Жертва Богу дух сокрушен: сердце сокрушенно и смиренно Бог не уничижит. |
50:20 См.: 🔗Ис. 33:20 🔗Ис. 54:11 | Ублажи, Господи, благоволением Твоим Сиона, и да созиждутся стены Иерусалимския: |
50:21 См.: 🔗Втор. 33:19 | тогда благоволиши жертву правды, возношение и всесожегаемая: тогда возложат на олтарь Твой телцы. |