Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 19 | |
19:1 | И по сих слышах глас велий народа многа на небеси, глаголющаго: аллилуиа: спасение и слава, и честь и сила Господу нашему, |
19:2 | яко истинни и прави суди Его: яко судил есть любодейцу велику, яже посмради землю любодеянием своим, и отмстил кровь рабов Своих от руки ея. |
19:3 См.: 🔗Ис. 34:10 🔗Отк. 14:11 | И второе реша: аллилуиа. И дым ея восхождаше во веки веков. |
19:4 | И падоша двадесять и четыри старцы и четыри животна и поклонишася Богови седящему на престоле, глаголюще: аминь, аллилуиа. |
19:5 | И глас изыде от престола глаголющь: пойте Богу нашему, вси раби Его и боящиися Его, и малии и велицыи. |
19:6 См.: 🔗Иез. 1:24 🔗Отк. 11:15 | И слышах яко глас народа многа, и яко глас вод многих, и яко глас громов крепких, глаголющих: аллилуиа, яко воцарися Господь Бог Вседержитель: |
19:7 | радуимся и веселимся, и дадим славу Ему: яко прииде брак Агнчий, и жена Его уготовила есть себе. |
19:8 См.: 🔗Отк. 3:18 | И дано бысть ей облещися в виссон чист и светел: виссон бо оправдания святых есть. |
19:9 | И глагола ми: напиши: блажени званнии на вечерю брака Агнча. И глагола ми: сия словеса истинна Божия суть. |
19:10 | И пад пред ногама его, поклонихся ему: и глагола ми: виждь, ни: клеврет ти есмь и братий твоих имущих свидетелство Иисусово: Богу поклонися: свидетелство бо Иисусово есть дух пророчествия. |
19:11 См.: 🔗Отк. 6:2 | И видех небо отверсто, и се, конь бел, и седяй на нем Верен и Истинен, и Правосудный и Воинственный: |
19:12 См.: 🔗Отк. 1:14 🔗Отк. 2:18 | очи же Ему (еста) яко пламень огнен, и на главе Его венцы мнози: имый имя написано, еже никтоже весть, токмо Он Сам: |
19:13 | и облечен в ризу червлену кровию. И нарицается имя Его Слово Божие. |
19:14 См.: 🔗Отк. 7:9 | И воинства небесная идяху вслед Его на конех белых, облечени в виссон бел и чист. |
19:15 | И из уст Его изыде оружие остро, да тем избиет языки: и Той упасет я жезлом железным, и Той перет точило вина ярости и гнева Божия Вседержителева. |
19:16 См.: 🔗Отк. 17:14 🔗Отк. 19:12 | И имать на ризе и на стегне Своем имя написано: Царь царем и Господь господем. |
19:17 См.: 🔗Иер. 12:9 🔗Иез. 39:17 | И видех единаго Ангела стояща на солнце: и возопи гласом велиим, глаголя всем птицам парящым посреде небесе: приидите и соберитеся на вечерю великую Божию, |
19:18 | да снесте плоти царей и плоти крепких и плоти тысящников, и плоти коней и седящих на них, и плоти всех свободных и рабов, и малых и великих. |
19:19 | И видех зверя и цари земныя и вои их собраны сотворити брань с Седящим на кони и с воинствы Его. |
19:20 См.: 🔗Отк. 20:10 | И ят бысть зверь и с ним лживый пророк, сотворивый знамения пред ним, имиже прельсти приемшыя начертание зверино и покланяющыяся иконе его: жива ввержена быста оба в езеро огненное горящее жупелом: |
19:21 | а прочии убиени быша оружием Седящаго на кони, изшедшим из уст Его: и вся птицы насытишася от плотей их. |