Псалтирь, псалом 74

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 74
74:1	В конец, да не растлиши, псалом песни Асафу.
74:2 См.: 🔗Пс. 9:2 🔗Пс. 43:2	Исповемыся Тебе, Боже, исповемыся Тебе и призовем имя Твое: повем вся чудеса Твоя.
74:3	Егда прииму время, Аз правоты возсужду.
74:4 См.: 🔗Пс. 45:7	Растаяся земля и вси живущии на ней, Аз утвердих столпы ея.
74:5	Рех беззаконнующым, не беззаконнуйте: и согрешающым, не возносите рога.
74:6	Не воздвизайте на высоту рога вашего и не глаголите на Бога неправду:
74:7	яко ниже от исход, ниже и запад, ниже от пустых гор.
74:8 См.: 🔗Дан. 5:21	Яко Бог судия есть: сего смиряет, и сего возносит.
74:9 См.: 🔗Пс. 59:5	Яко чаша в руце Господни, вина нерастворена исполнь растворения, и уклони от сея в сию: обаче дрождие его не истощися, испиют вси грешнии земли.
74:10	Аз же возрадуюся в век, воспою Богу Иаковлю:
74:11 См.: 🔗Лк. 1:69	и вся роги грешных сломлю, и вознесется рог праведнаго.