Псалтирь, псалом 40

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 40
40:1	В конец, псалом Давиду.
40:2 См.: 🔗Прит. 14:21 🔗Дан. 4:24 🔗Лк. 14:13	Блажен разумеваяй на нища и убога, в день лют избавит его Господь.
40:3	Господь да сохранит его и живит его, и да ублажит его на земли и да не предаст его в руки врагов его.
40:4 См.: 🔗Мф. 9:22 🔗Лк. 7:7	Господь да поможет ему на одре болезни его: все ложе его обратил еси в болезни его.
40:5 См.: 🔗Пс. 6:3	Аз рех: Господи, помилуй мя, изцели душу мою, яко согреших Ти.
40:6	Врази мои реша мне злая: когда умрет, и погибнет имя его?
40:7	И вхождаше видети, всуе глаголаше сердце его: собра беззаконие себе, исхождаше вон и глаголаше вкупе.
40:8 См.: 🔗Мф. 22:15	На мя шептаху вси врази мои, на мя помышляху злая мне.
40:9 См.: 🔗Мк. 12:13 🔗Мф. 27:66	Слово законопреступное возложиша на мя: еда спяй не приложит воскреснути?
40:10 См.: 🔗Ин. 13:18 🔗Деян. 1:16	Ибо человек мира моего, на негоже уповах, ядый хлебы моя, возвеличи на мя запинание.
40:11	Ты же, Господи, помилуй мя и возстави мя, и воздам им.
40:12	В сем познах, яко восхотел мя еси, яко не возрадуется враг мой о мне.
40:13	Мене же за незлобие приял, и утвердил мя еси пред Тобою в век.
40:14 См.: 🔗Пс. 39:17	Благословен Господь Бог Израилев от века и до века: буди, буди.