Второзаконие, глава 26

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 26
26:1	И будет аще внидеши в землю, юже Господь Бог твой дает тебе в жребий еже наследити ю, и вселишися на ней,
26:2 См.: 🔗Исх. 23:19 🔗Исх. 34:26	и да возмеши от начатка плодов земли твоея, юже Господь Бог твой дает тебе в жребий, и вложиши в кошницу, и пойдеши на место, еже изберет Господь Бог твой призывати имя Его тамо:
26:3	и приидеши к жерцу, иже будет в тыя дни, и речеши к нему: возвещаю днесь Господеви Богу твоему, яко внидох в землю, еюже клятся Господь отцем нашым дати нам:
26:4	и да возмет жрец от руку твоею кошницу и да положит ю пред олтарем Господа Бога твоего:
26:5 См.: 🔗Быт. 31:5 🔗Быт. 46:5 🔗Исх. 12:37	и отвещав речеши пред Господем Богом твоим: Сирию остави отец мой и сниде во Египте и обита тамо в числе малем, и бысть тамо в язык велик и во множество много и велико:
26:6 См.: 🔗Исх. 1:11	и озлобиша нас Египтяне, и смириша ны, и возложиша на ны дела жестокая:
26:7 См.: 🔗Исх. 2:23	и возопихом ко Господу Богу отец наших, и услыша Господь вопль наш и виде смирение наше и труд наш и скорбь нашу,
26:8 См.: 🔗Исх. 12:51	и изведе ны Господь из Египта Сам крепостию Своею великою и рукою сильною и мышцею высокою, и в видениих великих и в знамениих и в чудесех,
26:9 См.: 🔗Исх. 3:8 🔗Исх. 13:5	и введе ны в место сие, и даде нам землю сию, землю кипящую медом и млеком:
26:10 См.: 🔗Втор. 14:22	и ныне се, принесох начатки от плодов земли, юже дал ми еси, Господи, землю кипящую медом и млеком. И оставиши е пред Господем Богом твоим, и поклонишися тамо пред Господем Богом твоим,
26:11 См.: 🔗Втор. 16:14	и возвеселишися о всех благих, яже даде тебе Господь Бог твой, и дом твой, и левит, и пришлец иже у тебе.
26:12 См.: 🔗Лев. 27:30	Егда же совершиши одесятити всю десятину плодов земли твоея в лето третие, вторую десятину да даси левиту и пришелцу и сироте и вдове, и ядят во градех твоих и насытятся:
26:13 См.: 🔗Втор. 14:27	и речеши пред Господем Богом твоим: очистих святая из дому моего, и дах я левиту и пришелцу и сироте и вдове, по всем заповедем Твоим, яже заповедал еси мне: не преступих заповеди Твоея и не забых,
26:14 См.: 🔗Иер. 16:7 🔗Иез. 24:17	и не ядох в болезни моей от них, не принесох от них в нечистое, ниже дах от них умершему: послушах гласа Господа Бога моего, сотворих, якоже заповедал еси мне:
26:15 См.: 🔗Ис. 63:15 🔗Вар. 2:16	призри с небесе от храма святаго Твоего, и благослови люди Твоя Израиля и землю, юже дал еси им якоже клялся еси отцем нашым, дати нам землю кипящую медом и млеком.
26:16 См.: 🔗Втор. 6:5	В сей день заповеда тебе Господь Бог твой сотворити вся оправдания сия и судбы: и сохраните и сотворите я от всего сердца вашего и от всея души вашея.
26:17 См.: 🔗Втор. 5:31	Господа избрал еси днесь быти тебе в Бога, и ходити во всех путех Его и хранити оправдания и заповеди и судбы Его, и послушати гласа Его.
26:18 См.: 🔗Втор. 7:6 🔗Втор. 14:2	И Господь избра вас днесь, да будете Ему люди избраннии, якоже рече тебе, хранити вся заповеди Его,
26:19 См.: 🔗Втор. 4:7 🔗Втор. 28:1 🔗Иер. 13:11	и быти тебе вышше всех язык, иже сотвори тя именита и хвальна и славна, быти вам людем святым Господу Богу вашему, якоже глагола.