Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 131 | |
131:1 См.: 🔗Неем. 13:14 | Помяни, Господи, Давида и всю кротость его: |
131:2 | яко клятся Господеви, обещася Богу Иаковлю: |
131:3 См.: 🔗2Цар. 7:2 🔗3Цар. 8:17 | аще вниду в селение дому моего, или взыду на одр постели моея: |
131:4 См.: 🔗Прит. 6:4 | аще дам сон очима моима, и веждома моима дремание, и покой скраниама моима: |
131:5 См.: 🔗Деян. 7:46 | дондеже обрящу место Господеви, селение Богу Иаковлю. |
131:6 См.: 🔗1Цар. 7:1 | Се, слышахом я во Евфрафе, обретохом я в полях Дубравы: |
131:7 См.: 🔗Пс. 17:7 | внидем в селения Его, поклонимся на место, идеже стоясте нозе Его. |
131:8 См.: 🔗2Пар. 6:41 | Воскресени, Господи, в покой Твой, Ты и кивот святыни Твоея. |
131:9 | Священницы Твои облекутся правдою, и преподобнии Твои возрадуются. |
131:10 См.: 🔗2Пар. 6:42 | Давида ради раба Твоего, не отврати лице помазаннаго Твоего. |
131:11 | Клятся Господь Давиду истиною, и не отвержется ея: от плода чрева твоего посажду на престоле твоем. |
131:12 | Аще сохранят сынове твои завет Мой и свидения Моя сия, имже научу я, и сынове их до века сядут на престоле твоем. |
131:13 См.: 🔗3Цар. 9:3 | Яко избра Господь Сиона, изволи и в жилище Себе. |
131:14 См.: 🔗3Цар. 8:13 | Сей покой Мой во век века, зде вселюся, яко изволих и. |
131:15 См.: 🔗Пс. 36:19 🔗Пс. 110:5 | Ловитву его благословляяй благословлю, нищыя его насыщу хлебы: |
131:16 | священники его облеку во спасение, и преподобнии его радостию возрадуются. |
131:17 | Тамо возращу рог Давидови, уготовах светилник помазанному Моему. |
131:18 См.: 🔗Пс. 34:26 | Враги его облеку студом, на немже процветет святыня моя. |