Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 | И услышаша врази Иудины и Вениамини, яко сынове преселения созидают церковь Господу Богу Израилеву, |
4:2 См.: 🔗4Цар. 17:28 🔗2Езд. 5:49 | и приступиша к Зоровавелю и ко князем отечеств и рекоша им: созиждем с вами, понеже, якоже и вы, ищем Бога вашего и Ему мы жрем жертву от дний Асарадана царя Ассурска приведшаго ны семо. |
4:3 См.: 🔗4Цар. 17:33 🔗1Кор. 10:21 | И рече им Зоровавель и Иисус и прочии князи отечеств Израилевых: несть нам и вам создати дом Богу нашему, понеже мы сами особно созиждем Господу Богу нашему, якоже повеле нам Кир царь Персский. |
4:4 См.: 🔗Неем. 6:9 | И быша людие земли (тоя) ослабляюще руки людий Иудейских, и препинаху им в созидании, |
4:5 | и наимаху на них советников, да разорят совет их, во вся дни Кира царя Персскаго и даже до царства Дариа царя Персскаго. |
4:6 См.: 🔗2Езд. 2:16 | В царство же Ассуира, (иже есть Артаксеркс,) в начале царства его, написаша свиток на живущих во Иудеи и во Иерусалиме. |
4:7 | И во дни Арфасафана написа в мире Мифридат и Тавеил со прочими сослужители ко Артаксерксу царю Персскому: написа писмоносец писание Сирским языком и претолковано. |
4:8 | Реум Валтаам и Сампса книгочий написаста послание едино на Иерусалим ко Артаксерксу царю: |
4:9 | тако судил Реум Валтаам и Сампса книгочий и прочии сослужителие наши, Динее, Афарсафахее, Тарфалее, Арфасее, Архиее, Вавилоняне, Сусанахее, Савее, Еламите |
4:10 См.: 🔗4Цар. 17:24 | и прочии от язык, ихже преведе Ассенафар великий и преславный и всели их во градех Самарийских и прочих об он пол реки. |
4:11 | Сие есть сказание послания, еже послаша к нему, ко Артаксерксу царю: раби твои, мужие, иже за рекою: |
4:12 | ведомо да будет царю, яко Иудее, иже взыдоша от тебе к нам, приидоша во Иерусалим град отступный и лукавый, егоже созидают: и стены его состроены суть, и основание его возвысиша: |
4:13 См.: 🔗1Езд. 7:24 | ныне убо ведомо да будет царю, яко, аще град сей создан будет, и стены его совершатся, дани не будут тебе, ниже (летняго воздаяния) дадут: и сие царем зло творит, |
4:14 | и посрамощения царева не леть нам видети: сего ради послахом и возвестихом царю, |
4:15 | да разсмотрено будет в книзе памятописней отцев твоих, и обрящеши в книзе памятописней и познаеши, яко град он отступный есть и обидящь царей и страны, и убежища слуг бывают посреде его от дний древних, сего ради и град той опустошен есть: |
4:16 См.: 🔗Неем. 4:2 | ведомо убо творим царю, яко, аще град той создан будет и стены его совершатся, то не будет ти мира. |
4:17 | И посла царь ко Реуму Валтааму и Сампсаю книгочию и ко прочым сослужителем их обитающым в Самарии и прочым за рекою Мир |
4:18 | и рече: писмоносец, егоже посласте к нам, призван пред мене, |
4:19 | и от мене повелено есть, и соглядахом и обретохом, яко град той от дний древних на царей возносится, отступления и убежища бывают в нем: |
4:20 | и царие крепцы быша во Иерусалиме и обладаху всею страною, яже за рекою, дани же многи и часть давашеся им: |
4:21 См.: 🔗1Езд. 5:3 | и ныне повелите мужем оным престати от дела, и град оный да не созидается ктому: |
4:22 | яко да от повеления сего опасни будете нерадение творити о сем, да не когда умножится погибель на зло царем. |
4:23 | Тогда писмоносец Артаксеркса царя прочте свиток пред Реумом Валтаамом и Сампсаем книгочием и сослужителми их: и идоша тщателно во Иерусалим и во Иудею, и удержаша их мышцею сильною. |
4:24 См.: 🔗2Езд. 6:6 | Тогда преста дело дому Божия, еже во Иерусалиме, и не творяшеся даже до лета втораго царства Дариа царя Персскаго. |