Книга Премудрости Иисуса, сына Сирахова, глава 49 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 49
49:1 См.: 🔗4Цар. 22:1	Память Иосиева в сложение фимиама, и состроеное делом мироварника:
49:2	во всяцех устех яко мед усладится, и яко мусикиа в пире вина.
49:3 См.: 🔗4Цар. 23:4 🔗2Пар. 34:4	Той управлен бысть во обращение людий и отят мерзости беззакония,
49:4 См.: 🔗4Цар. 23:25	исправи ко Господу сердце свое, во дни беззаконных укрепи благочестие.
49:5	Кроме Давида и Езекии и Иосии, вси прегрешиша прегрешением,
49:6	оставиша бо закон Вышняго: царие Иудины оскудеша,
49:7	даша бо рог свой инем и славу свою языку чуждему,
49:8 См.: 🔗4Цар. 25:9	сожгоша избран град святыни и опустошиша пути его рукою Иеремииною:
49:9 См.: 🔗Иер. 1:5	озлобиша бо его, и той во чреве освящен бысть пророк искоренити и озлобити и погубити, такожде создати и насадити.
49:10 См.: 🔗Иез. 1:4	Иезекииль, иже виде видение славы, юже показа ему в колеснице херувимсте:
49:11 См.: 🔗Иез. 13:13	помяну бо враги в дожди, и благосотворити направляющым пути.
49:12	И обоюнадесяте пророков да процветут кости от мест своих: утеши бо Иакова и избавил я верою надежды.
49:13 См.: 🔗1Езд. 3:2 🔗Аг. 2:23	Како возвеличим Зоровавеля? И сей яко печать на десней руце:
49:14 См.: 🔗1Езд. 3:2 🔗Зах. 3:1	такожде Иисус сын Иоседеков: иже во дни своя создаста дом и воздвигоста церковь святу Господеви, уготовану во славу века.
49:15 См.: 🔗Неем. 7:1	И Неемии на мнозе (буди) память, воздвигшему нам стены падшыя и поставльшему двери и заворы и воздвигшему домы падшыя нашя.
49:16 См.: 🔗Быт. 5:24 🔗Евр. 11:5	Никтоже создан бысть таков, яко Енох на земли: той бо взят бысть от земли.
49:17 См.: 🔗Быт. 50:18 🔗Нав. 24:32	Ниже яко Иосиф бысть муж, вождь братии, утверждение людем, и кости его посещены быша.
49:18	Сим и Сиф прославлена быста в человецех, и паче всякаго животнаго в твари Адам.