Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 См.: 🔗Сир. 18:8 | Человек бо рожден от жены малолетен и исполнь гнева: |
14:2 См.: 🔗Иов. 8:9 🔗Пс. 143:4 | или якоже цвет процветый отпаде, отбеже же яко сень, и не постоит. |
14:3 | Не и о сем ли слово сотворил еси, и сему сотворил еси внити на суд пред Тя? |
14:4 | Кто бо чист будет от скверны? Никтоже, |
14:5 | аще и един день житие его на земли: изочтени же месяцы его от Тебе, на время положил еси, и не преступит. |
14:6 См.: 🔗Иов. 7:1 | Отступи от него, да умолкнет и изберет житие якоже наемник. |
14:7 | Есть бо древу надежда: аще бо посечено будет, паки процветет, и леторасль его не оскудеет: |
14:8 | аще бо состареется в земли корень его, на камени же скончается стебло его, |
14:9 | от вони воды процветет, сотворит же жатву, якоже новосажденное. |
14:10 | Муж же умерый отиде, пад же человек, ктому несть. |
14:11 | Временем бо оскудевает море, река же опустевши изсше: |
14:12 См.: 🔗Иов. 19:25 🔗Дан. 12:2 | человек же уснув не востанет, дондеже не будет небо сошвено, и не возбудятся от сна своего. |
14:13 | Убо, о, дабы во аде мя сохранил еси, скрыл же мя бы еси, дондеже престанет гнев Твой, и вчиниши ми время, в неже память сотвориши ми. |
14:14 | Аще бо умрет человек, жив будет: скончав дни жития своего, потерплю, дондеже паки буду. |
14:15 См.: 🔗Иов. 10:8 | Посем воззовеши, аз же послушаю Тя: дел же руку Твоею не отвращайся: |
14:16 См.: 🔗Иов. 31:4 🔗Пс. 138:2 | изчислил же еси начинания моя, и ничтоже Тя мимоидет от грех моих: |
14:17 См.: 🔗Ос. 13:12 🔗Иез. 18:22 | запечатлел же ми еси беззакония в мешце, назнаменал же еси, аще что неволею преступих. |
14:18 | Обаче и гора падающи распадется, и камень обетшает от места своего: |
14:19 | камение огладиша воды, и потопиша воды взнак холмы земныя, и ожидание человеческо погубил еси. |
14:20 | Отринул еси его до конца, и отиде: изменил еси ему лице и испустил еси. |
14:21 См.: 🔗Еккл. 2:19 | Многим же бывшым сыном его, не весть: аще же и мало их будет, не знает: |
14:22 | но плоти его болеша, душа же его о себе сетова. |