Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 21 | |
21:1 | Якоже буря сквозе пустыню проходит, от пустыни исходящая из земли, |
21:2 | страшно видение и жестоко поведася мне: преступаяй преступает, и беззаконнуяй беззаконствует: на мя Еламите, и послы Персстии на мя идут: ныне воздохну и утешу себе. |
21:3 | Сего ради наполнишася чресла моя разслабления, и болезни прияша мя аки раждающую: неправдовах еже не слышати, потщахся еже не видети. |
21:4 См.: 🔗Ис. 15:5 | Сердце мое заблуждает, и беззаконие погружает мя, душа моя стоит во страсе. |
21:5 См.: 🔗Иер. 6:4 | Уготовите трапезу, ядите, пийте: воставше, князи, уготовите щиты, |
21:6 См.: 🔗Пс. 120:4 | яко тако рече Господь ко мне: шед постави себе стража, и еже аще узриши, возвести. |
21:7 | И узрех всадники конныя два, всадника на осляти и всадника на велблюде. Послушай слушанием многим |
21:8 См.: 🔗Авв. 2:1 | и призови Урию на стражбу Господню. И рече: стоях выну день, и у полчища аз стоях всю нощь, |
21:9 | и се, сам грядет (муж) всадник двоконный, и отвещав рече: паде, паде Вавилон, и вси кумиры его и вся рукотворенная его сокрушишася на земли. |
21:10 | Послушайте, оставшиися, и болезнующии, услышите: еже слышах от Господа Саваофа, Бог Израилев возвести нам. |
21:11 | Ко мне зови от Сиира: стрегите забрала. |
21:12 | Стрегу заутра и нощию. Аще ищеши, ищи и у мене обитай. |
21:13 См.: 🔗Иер. 25:23 | В дубраве в вечер преспиши, или на пути Деданове. |
21:14 См.: 🔗Быт. 25:3 | Во сретение жаждущему воду принесите, живущии во стране Феманове, со хлебы сретайте бежащыя множества ради убиенных |
21:15 | и множества ради заблуждающих, и множества ради мечей и множества ради луков напряженных, и множества ради падших на сечи. |
21:16 См.: 🔗Ис. 16:14 🔗Иер. 49:28 | Яко сице рече Господь ко мне: еще лето (едино), якоже лето наемника, оскудеет слава сынов Кидарских, |
21:17 См.: 🔗Ис. 22:25 🔗Ис. 25:8 | и останок луков сильных сынов Кидарских будет мал, яко Господь Бог Израилев глагола. |