Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 89 | |
89:1 | Молитва Моисеа человека Божия. |
89:2 | Господи, прибежище был еси нам в род и род. |
89:3 См.: 🔗Ис. 43:13 | Прежде даже горам не быти и создатися земли и вселенней, и от века и до века Ты еси. |
89:4 | Не отврати человека во смирение, и рекл еси: обратитеся, сынове человечестии. |
89:5 См.: 🔗2Пет. 3:8 | Яко тысяща лет пред очима Твоима, Господи, яко день вчерашний, иже мимо иде, и стража нощная. |
89:6 | Уничижения их лета будут: утро яко трава мимо идет, утро процветет и прейдет: на вечер отпадет, ожестеет и изсхнет: |
89:7 | яко изчезохом гневом Твоим, и яростию Твоею смутихомся. |
89:8 | Положил еси беззакония наша пред Тобою, век наш в просвещение лица Твоего. |
89:9 | Яко вси дние наши оскудеша, и гневом Твоим изчезохом: |
89:10 См.: 🔗Сир. 18:8 | лета наша яко паучина поучахуся: дние лет наших в нихже седмьдесят лет, аще же в силах, осмьдесят лет, и множае их труд и болезнь: яко прииде кротость на ны, и накажемся. |
89:11 См.: 🔗Сир. 16:19 | Кто весть державу гнева Твоего, и от страха Твоего ярость Твою изчести? |
89:12 См.: 🔗Пс. 38:5 | Десницу Твою тако скажи ми, и окованныя сердцем в мудрости. |
89:13 | Обратися, Господи, доколе? И умолен буди на рабы Твоя. |
89:14 См.: 🔗Ис. 33:2 🔗Пс. 137:8 | Исполнихомся заутра милости Твоея, Господи, и возрадовахомся и возвеселихомся: |
89:15 | во вся дни нашя возвеселихомся, за дни, в няже смирил ны еси, лета, в няже видехом злая. |
89:16 | И призри на рабы Твоя и на дела Твоя, и настави сыны их. |
89:17 См.: 🔗Иов. 14:15 | И буди светлость Господа Бога нашего на нас, и дела рук наших исправи на нас, и дело рук наших исправи. |