Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 12 | |
12:1 См.: 🔗2Пар. 10:1 | И иде царь Ровоам в Сикиму, яко в Сикиму прииде весь Израиль воцарити его. |
12:2 См.: 🔗2Пар. 10:2 🔗3Цар. 11:40 | И бысть егда услыша Иеровоам сын Наватов, сущу ему еще во Египте, яко убегл бе от лица Соломона, и возвратися Иеровоам из Египта: |
12:3 | и послаша, и призваша его. И прииде Иеровоам и весь сонм Израилев, и рекоша людие к царю Ровоаму глаголюще: |
12:4 | отец твой отягчи ярем наш, ты же ныне облегчи от работы отца твоего жестокия и от ярма его тяжкаго, егоже возложи на ны, и поработаем ти. |
12:5 См.: 🔗2Пар. 10:5 | И рече к ним: отидите (и пребудите) до третияго дне, и возвратитеся ко мне. И идоша. |
12:6 См.: 🔗2Пар. 10:6 | И возвести Ровоам царь старейшинам, иже быша предстояще пред Соломоном отцем его, еще живу ему сущу, глаголя: како вы мыслите, да отвещаю людем сим слово? |
12:7 См.: 🔗2Пар. 10:7 🔗Сир. 37:18 | И реша ему, глаголюще: аще в днешний день будеши раб людем сим и поработаеши им, и речеши им словеса блага, и будут ти раби во вся дни. |
12:8 | И пренебреже совет старейшин, яже совещаша ему, и советова со отроки воспитанными с ним предстоявшими пред лицем его, |
12:9 | и рече им: что вы совещаваете? И что отвещаю людем сим, иже реша ко мне, глаголюще: облегчи наш ярем, егоже возложи отец твой на ны? |
12:10 См.: 🔗2Пар. 10:10 | И глаголаша к нему отроцы воспитаннии с ним и реша ему: сице да глаголеши людем сим, иже реша к тебе, глаголюще: отец твой отягчи ярем наш: ты же ныне облегчи от нас: сия речеши к ним: юность моя толстее чресл отца моего: |
12:11 См.: 🔗2Пар. 10:11 | и ныне отец мой наложи на вы ярем тяжек, аз же приложу к ярму вашему: отец мой наказа вы ранами, аз же накажу вы скорпионами. |
12:12 См.: 🔗2Пар. 10:12 | И прииде весь Израиль к царю Ровоаму в день третий, якоже рече им царь, глаголя: возвратитеся ко мне в день третий. |
12:13 | И отвеща царь к людем жестоко: и остави царь Ровоам совет старейшин, яже совещаша ему, |
12:14 | и рече к ним по совету отроков, глаголя: отец мой отягчи ярем ваш, аз же приложу к ярму вашему: отец мой наказа вы ранами, аз же накажу вы скорпионами. |
12:15 См.: 🔗3Цар. 11:31 | И не послуша царь людий, яко бе превращение от Господа, яко да утвердит глаголгол Свой, егоже глагола рукою Ахии Силонитянина о Иеровоаме сыне Наватове. |
12:16 См.: 🔗2Пар. 10:16 | И виде весь Израиль, яко не послуша царь гласа их, и отвещаша людие царю, глаголюще: кая нам часть в Давиде? И несть нам наследия в сыне Иессеове: бежи, Израилю, в кровы своя: ныне паси дом твой, Давиде. И отиде Израиль в кровы своя. |
12:17 См.: 🔗3Цар. 11:32 | Над сынми же Израилевыми, иже живяху во градех Иудиных, воцарися Ровоам над ними. |
12:18 | И посла царь Ровоам Адонирама, иже над данию, и поби его камением весь Израиль, и умре. Царь же Ровоам потщася взыти на колесницу убежати во Иерусалим. |
12:19 См.: 🔗4Цар. 17:21 | И отложися Израиль от дому Давидова даже до днесь. |
12:20 См.: 🔗3Цар. 11:11 | И бысть егда услыша весь Израиль, яко возвратися Иеровоам от Египта, и послаша, и призваша его на собор, и воцариша его над Израилем: и не бе вслед дому Давидова, токмо хоругвь Иудина и Вениаминова. |
12:21 См.: 🔗2Пар. 11:1 | И Ровоам вниде во Иерусалим и собра весь сонм Иудин и хоругвь Вениаминю, сто и двадесять тысящ юношей, творящих брань, ратовати на дом Израилев, еже возвратити царство Ровоаму сыну Соломоню. |
12:22 См.: 🔗2Пар. 11:2 | И бысть слово Господне ко Самею человеку Божию, глаголя: |
12:23 | рцы к Ровоаму сыну Соломоню царю Иудину и ко всему дому Иудину и Вениаминову и ко оставшымся людем, глаголя: |
12:24 См.: 🔗3Цар. 12:15 | тако глаголет Господь: не восходите, ниже ратуйте на братию вашу, на сыны Израилевы: но возвратитеся кийждо в домы своя, яко от Мене бысть глаголгол сей. И послушаша словесе Господня, и престаша ити по глаголголу Господню. |
12:25 | И созда Иеровоам Сикиму в горе Ефремли, и вселися в ней, и изыде оттуду, и созда Фануила. |
12:26 | И рече Иеровоам в сердцы своем: се, ныне возвратится царство в дом Давидов, |
12:27 | аще взыдут людие сии вознести жертву в храме Господни во Иерусалим, и обратится сердце людий ко Господу и господину своему, к Ровоаму царю Иудину, и убиют мя, и возвратятся к Ровоаму царю Иудину. |
12:28 См.: 🔗Исх. 32:8 🔗4Цар. 17:16 | И усоветова царь, и сотвори две юницы златы, и рече к людем: довлеет вам восходити во Иерусалим: се, бози твои, Израилю, изведшии тя из земли Египетския. |
12:29 См.: 🔗Иер. 48:13 | И постави едину в Вефили, а другую в Дане. |
12:30 | И бысть слово сие на согрешение, и идяху людие пред лицем юницы единыя даже до Дана, и оставиша храм Господень. |
12:31 См.: 🔗2Пар. 11:15 🔗2Пар. 13:9 | И сотвори капища на высоких, и сотвори жерцов часть от людий, иже не беша от сынов Левииных. |
12:32 См.: 🔗Ос. 7:5 | И сотвори Иеровоам праздник в осмый месяц в пятыйнадесять день месяца, по празднику, иже в земли бе Иудине, и взыде на олтарь, егоже сотвори в Вефили, жрети юницам, яже сотвори, и постави в Вефили жерцы на высоких, яже сотвори. |
12:33 См.: 🔗Ам. 3:14 🔗Рим. 1:25 | И взыде на олтарь, егоже сотвори в Вефили, в осмый месяц, в пятыйнадесять день в праздник, егоже состави по сердцу своему: и сотвори праздник сыном Израилевым, и взыде на олтарь еже пожрети. |