Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 8 | |
8:1 | Кто даст тя, брате мой, ссуща сосцы матере моея? Обретши тя вне целую тя, и ктому не уничижат мене. |
8:2 См.: 🔗Песн. 3:4 | Пойму тя, введу тя в дом матере моея и в ложницу заченшия мя: тамо мя научиши: напою тя от вина с вонями строенаго, от воды яблок моих. |
8:3 См.: 🔗Песн. 2:6 | Шуйца его под главою моею, и десница его оымет мя. |
8:4 См.: 🔗Песн. 3:5 | Заклях вас, дщери Иерусалимския, в силах и в крепостех селных: аще подвижете и воздвижете любовь, дондеже аще восхощет. |
8:5 | Кто сия восходящая убелена и утвержаема о брате своем? Под яблонею возбудих тя: тамо роди тя мати твоя, тамо поболе тобою рождшая тя. |
8:6 См.: 🔗Иер. 22:24 🔗2Тим. 2:12 | Положи мя яко печать на сердцы твоем, яко печать на мышце твоей: зане крепка яко смерть любы, жестока яко ад ревность: крила ея крила огня, (углие огненно) пламы ея. |
8:7 См.: 🔗Рим. 8:35 | Вода многа не может угасити любве, и реки не потопят ея. Аще даст муж все имение свое за любовь, уничижением уничижат его. |
8:8 | Сестра наша мала и сосцу не имать: что сотворим сестре нашей в день, в оньже аще глаголатися будет ей? |
8:9 | Аще стена есть, соградим на ней забрала сребряна: и аще дверь есть, напишем на ней дску кедрову. |
8:10 | Аз стена, и сосцы мои яко столпи: аз бех во очию их аки обретающая мир. |
8:11 См.: 🔗Еккл. 2:4 🔗Мф. 21:33 | Виноград бысть Соломону во Вееламоне: даде виноград свой стрегущым: муж принесет в плоде его тысящу сребреник. |
8:12 См.: 🔗Ис. 5:1 | Виноград мой предо мною: тысяща Соломону и двести стрегущым плод его. |
8:13 | Седяй в вертоградех, и друзие внемлющии гласу твоему: глас твой внуши мне. |
8:14 См.: 🔗Песн. 2:9 | Бежи, брате мой, и уподобися серне или юнцу еленей, на горы ароматов. |