Псалтирь, псалом 41

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 41
41:1 См.: 🔗1Пар. 6:22 🔗1Пар. 9:19 🔗1Пар. 26:1	В конец, в разум сынов Кореовых, псалом Давиду.
41:2	Имже образом желает елень на источники водныя, сице желает душа моя к Тебе, Боже.
41:3 См.: 🔗Пс. 83:3	Возжада душа моя к Богу крепкому, живому: когда прииду и явлюся лицу Божию?
41:4	Быша слезы моя мне хлеб день и нощь, внегда глаголатися мне на всяк день: где есть Бог твой?
41:5 См.: 🔗Иов. 30:16	Сия помянух, и излиях на мя душу мою: яко пройду в место селения дивна, даже до дому Божия, во гласе радования и исповедания, шума празднующаго.
41:6 См.: 🔗Пс. 42:5	Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой.
41:7	Ко мне самому душа моя смятеся: сего ради помянух Тя от земли Иордански и Ермониимски, от горы Малыя.
41:8 См.: 🔗Пс. 68:3	Бездна бездну призывает во гласе хлябий Твоих: вся высоты Твоя и волны Твоя на мне преидоша.
41:9 См.: 🔗Пс. 118:62	В день заповесть Господь милость Свою, и нощию песнь Его от мене, молитва Богу живота моего.
41:10 См.: 🔗Пс. 37:7	Реку Богу: заступник мой еси, почто мя забыл еси? И вскую сетуя хожду, внегда оскорбляет враг?
41:11	Внегда сокрушатися костем моим, поношаху ми врази мои, внегда глаголати им мне на всяк день: где есть Бог твой?
41:12 См.: 🔗Пс. 42:5	Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой.