Книга Левит, глава 22

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 22
22:1	И рече Господь к Моисеовы, глаголя:
22:2 См.: 🔗Лев. 6:25 🔗Чис. 6:23	рцы Аарону и сыном его, да внимают от святынь сынов Израилевых, и да не осквернят имене святаго Моего, елика они освящают Ми: Аз Господь.
22:3	Рцы им: в роды вашя всяк человек, иже аще приступит от всякаго семене вашего ко святым, елика аще освятят сынове Израилевы Господу, и нечистота его на нем будет, потребится душа оная от Мене: Аз Господь Бог ваш.
22:4 См.: 🔗Лев. 15:2 🔗2Пар. 30:18	И человек от семене Аарона жерца, и сей прокажен, или семя изливает, от святых да не снест, дондеже очистится: и прикасаяйся всякой нечистоте души, или человек, емуже аще изыдет от его ложа семя,
22:5 См.: 🔗Лев. 11:29	или иже аще прикоснется всякому гаду нечисту, иже осквернит его, или человеку, иже осквернит его, по всякой нечистоте его:
22:6 См.: 🔗Лев. 11:24 🔗2Пет. 3:14	душа, яже аще прикоснется их, нечиста будет до вечера: да не снест от святых, аще не омыет тела своего водою,
22:7	и зайдет солнце, и чист будет: и тогда да снест от святых, яко хлеб его есть.
22:8 См.: 🔗Исх. 22:31 🔗Иез. 44:31	Мертвечины и звероядины да не снест, еже осквернитися ему в них: Аз Господь.
22:9 См.: 🔗Лев. 5:1	И да сохранят повеления Моя, да не приимут сих ради греха, и измрут за них, аще осквернят их: Аз Господь Бог освящаяй их.
22:10 См.: 🔗Исх. 12:44	И всяк иноплеменник да не снест святынь: приселник иереев или наемник да не снест святынь.
22:11	Аще же жрец пристяжет душу пристяжаную сребром, сия да снест хлебы его: и домочадцы его, и сии да снедят хлебы его.
22:12	И дщерь человека жерца, аще посягнет за мужа иноплеменника, сия от начатков святых да не снест.
22:13 См.: 🔗Лев. 10:14	И дщерь жерца аще будет вдова или отпущена, плода же не будет ей, возвратится в дом отца своего, по юности своей, от хлебов отца своего да снест: всяк же иноплеменник да не снест от них.
22:14 См.: 🔗Лев. 5:15	И человек, иже аще яст святая по неведению, и да приложит пятую свою часть ко истому, и да даст сие жерцу святое.
22:15	И да не осквернят святынь сынов Израилевых, ихже они отделяют Господу:
22:16 См.: 🔗Лев. 21:8	и да не наведут на себе беззаконие преступления, внегда ясти им святыню их, яко Аз Господь освящаяй их.
22:17	И рече Господь к Моисею, глаголя:
22:18 См.: 🔗Пс. 49:14	глаголи Аарону и сыном его и всему сонму Израилеву и речеши к ним: человек человек от сынов Израилевых, или от пришлец прилежащих к ним во Израили, иже аще принесет дары своя по всякому исповеданию своему, или по всякому изволению своему, елика аще принесут Господу на всесожжение,
22:19	приятны вам непорочны мужеск пол от стад волов, или от овен и от коз:
22:20 См.: 🔗Втор. 15:21 🔗Сир. 35:11	всех, елика аще имут порок на себе, да не принесут Господу, понеже неприятно будет вам.
22:21 См.: 🔗Лев. 7:16	И человек иже аще принесет жертву спасения Господу, отлучив обет или по изволению, или в праздники вашя, от стад волов или от овец, непорочно да будет в приятие, всяк порок да не будет на нем:
22:22 См.: 🔗Мал. 1:8	слепо, или сокрушено, или язык урезан имущо, или червиво, или крастово, или лишаво, да не принесут тех Господу, и в жертву не дадите от них на олтарь Господви:
22:23	и телца или овцу ухорезну, или безхвостну, в заколение сотвориши я себе (по изволению), в обет же твой да не приимется:
22:24	емуже суть ятра сокрушена, и емуже раздавлена, и изрезана, и исторжена, да не принесете сих Господу, и в земли вашей да не сотворите.
22:25	И от руки иноплеменника да не принесете даров Богу вашему от всех сих, яко вреждения суть на них, порок на них, не приимутся сия от вас.
22:26	И рече Господь к Моисею, глаголя:
22:27 См.: 🔗Исх. 22:30	телец, или овча, или козля, егда родится, да будет седмь дний под материю своею, в день же осмый и далее принесется в дар, принос Господу:
22:28 См.: 🔗Втор. 22:6	и телца и овчате вкупе с материю да не заколете в един день,
22:29 См.: 🔗Лев. 7:12	аше же пожреши жертву обет радования Господви, приятно вам пожрите е:
22:30 См.: 🔗Лев. 7:15	сия в тойже день да снестся, да не оставите от мяс на утрие: Аз есмь Господь.
22:31 См.: 🔗Лев. 18:30	И сохраните заповеди Моя и сотворите я: Аз Господь:
22:32 См.: 🔗Лев. 10:3 🔗Лев. 21:8	и не оскверните имене Святаго, и освящуся посреде сынов Израилевых: Аз Господь освящаяй вас,
22:33 См.: 🔗Исх. 13:3	изведый вы из земли Египетския, яко быти вам в Бога: Аз Господь.