Первая книга Царств (Первая книга Самуила), глава 15

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 15
15:1 См.: 🔗1Цар. 10:1	И рече Самуил к Саулу: посла мя Господь помазати тя на царство в людех Его во Израили: и ныне послушай гласа словес Господних:
15:2 См.: 🔗Исх. 17:8	сия рече Господь Саваоф: ныне отмщу, яже сотвори Амалик Израилю, егда срете его на пути, восходящу ему от Египта:
15:3	и ныне ты иди, и поразиши Амалика и Иерима, и вся яже суть его, и не снабдиши от них (ничтоже), и искорениши его: и прокленеши его и вся сущая его, и не пощадиши его: и да убиеши от мужеска полу и до женска и от юнош и до ссущих млеко, и от говяд до овец и от велблюд до ослят.
15:4	И собра люди Саул и сочте я в Галгалех двесте тысящ пеших и десять тысящ от Иуды в полцех:
15:5 См.: 🔗Нав. 8:4	и прииде Саул до градов Амаликовых и засяде в потоце.
15:6 См.: 🔗Чис. 10:29 🔗Суд. 1:16	И рече Саул ко Кинеови: иди и уклонися от среды Амалика, да не погублю тя с ним, ты бо сотворил еси милость с сынми Израилевыми, егда исхождаху из Египта. И уклонися Киней от среды Амалика.
15:7 См.: 🔗Чис. 24:20	И порази Саул Амалика от Евилы даже до Сура, иже пред лицем Египта:
15:8	и ят Агага царя Амаликова жива, и вся люди изби, и Иерима уби мечем.
15:9	И сохрани Саул и вси людие Агага царя жива и благая от стад и буйволов, и снедей (и одежд), и виноградов и от всех благих: и не хотяху искоренити я, точию хуждшее и уничиженое истребиша.
15:10	И бысть глаголгол Господень к Самуилу, глаголя:
15:11 См.: 🔗Быт. 6:6	раскаяхся, яко помазах Саула на царство, понеже отвратися от Мене и словес Моих не соблюде. И опечалися Самуил и вопияше ко Господу всю нощь.
15:12 См.: 🔗Нав. 15:55 🔗2Цар. 18:18	И воста рано Самуил, и идяше на сретение Израилтяном рано. И возвестиша Самуилу, глаголюще: идет Саул в Кармил, и се, воздвиже руку себе, и возврати колесницу, и сниде в Галгалы. И прииде Самуил к Саулу, и се, той возношаше всесожжение Господу, первая от корыстей, ихже взя от Амаликов.
15:13 См.: 🔗1Цар. 23:21	И прииде Самуил к Саулу, и рече ему Саул: благословен ты Господу, сотворих бо вся, елика (ми) глагола Господь.
15:14	И рече Самуил: и кий глас стад сих во ушию моею, и глас говяд, егоже аз слышу?
15:15	И рече Саул: от Амалика пригнах я, ихже сохраниша людие лучшая от стад и от волов, еже пожрети я Господу Богу твоему, прочая же избих.
15:16	И рече Самуил к Саулу: потерпи, и возвещу ти, яже глагола Господь ко мне нощию.
15:17 См.: 🔗1Цар. 9:21	И рече ему (Саул): глаголи. И рече Самуил к Саулу: еда не мал был еси ты пред Ним, и не властелина ли тя постави хоругви колена Израилева? И помаза тя Господь на царство Израилево:
15:18 См.: 🔗Быт. 13:13 🔗Пс. 25:9	и посла тя Господь путем и рече тебе: иди и искорени Амалика, и погуби согрешших предо Мною, и воюй их, дондеже скончаеши их:
15:19	и почто не послушал еси гласа Господня по всему, елико глагола тебе, но устремился еси на корысти и сотворил еси лукавое пред Господем?
15:20	И рече Саул к Самуилу: послушах гласа людий и идох путем, имже посла мя Господь, и приведох Агага царя Амаликова, и Амалики искорених:
15:21	и взяша людие корысти от стад и буйволы, первая от истребляемых на пожрение Господу Богу нашему в Галгалех.
15:22 См.: 🔗Сир. 4:15 🔗Ос. 6:6 🔗Мф. 9:13 🔗Мф. 12:7	И рече Самуил: еда угодны Господу всесожжения и жертвы, якоже послушати гласа Господня? Се, послушание паче жертвы благи, и покорение паче тука овня:
15:23 См.: 🔗1Пар. 10:13	якоже грех есть чарование, тако (грех есть) противление, и якоже грех есть идолопоклонение, тако непокорение: понеже уничижил еси глаголгол Господень, и уничижит тя Господь не быти тебе царем во Израили.
15:24 См.: 🔗Исх. 32:22	И рече Саул к Самуилу: согреших, яко преступих слово Господне и глагол твой, убояхся бо людий и послушах гласа их:
15:25	и ныне возми грех мой и возвратися со мною, да поклонюся Господу Богу твоему.
15:26 См.: 🔗1Цар. 16:1	И рече Самуил к Саулу: не возвращуся с тобою, яко уничижил еси глаголгол Господень, и уничижит тя Господь не быти тебе царем во Израили.
15:27	И отврати Самуил лице свое еже отити: и ят Саул за воскрилие ризы его и раздра е.
15:28 См.: 🔗1Цар. 28:17	И рече ему Самуил: раздра Господь царство Израилево от руку твоею днесь, и даст е ближнему твоему, лучшему паче тебе,
15:29 См.: 🔗Чис. 23:19 🔗Ос. 11:9	и разделится Израиль на двое: и не обратится, ниже раскается Святый Израилев, занеже не яко человек есть, еже раскаятися Ему, запретит, и не пребудет.
15:30 См.: 🔗Мк. 12:17 🔗Ин. 5:44	И рече Саул: согреших, но прослави мя ныне пред старейшины Израилевы и пред людьми моими, и возвратися со мною, и поклонюся Господу Богу твоему.
15:31	И возвратися Самуил вслед Саула, и поклонися Саул Господу.
15:32	И рече Самуил: приведите ми Агага царя Амаликова. И прииде к нему Агаг трепеща, и рече Агаг: тако ли горька смерть?
15:33 См.: 🔗Иер. 31:15 🔗3Цар. 18:40	И рече Самуил ко агагу: якоже обезчадствова жен оружие твое, тако обезчадится в женах мати твоя. И закла Самуил Агага пред Господем в Галгалех.
15:34	И отиде Самуил во Армафем: и Саул отиде в дом свой в Гаваю.
15:35 См.: 🔗1Цар. 16:1 🔗Рим. 9:2	И не приложи Самуил ктому видети Саула даже до дне смерти своея, понеже плакаше Самуил о Сауле, занеже раскаяся Господь, яко постави Саула царя во Израили.