Книга пророка Иезекииля, глава 22

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 22
22:1	И бысть слово Господне ко мне глаголя:
22:2 См.: 🔗Иез. 20:4	и ты, сыне человечь, аще судити будеши граду кровей, и яви ему вся беззакония его,
22:3	и речеши: сия глаголет Адонаи Господь: о, граде проливаяй кровь среде себе, еже приити времени его, и творяй кумиры на себе, еже осквернитися самому:
22:4 См.: 🔗4Цар. 21:16	в крови их, юже излиял еси, согрешил еси, и в кумирех твоих, яже творил, осквернился еси, и сократил еси дни твоя, и привед время лет твоих: сего ради дах тя на укоризну языком и на поругание всем странам,
22:5	близ тебе и далече от тебе сущым, и поругаются тебе и возопиют на тя: о, нечистый, пресловутый и мног во беззакониих!
22:6 См.: 🔗Мих. 3:1	Се, старейшины дому Израилева, кийждо ко своим ужикам смесишася в тебе, яко да пролиют кровь:
22:7 См.: 🔗Пс. 93:6	отцу и матери злословяху в тебе и ко пришелцу обращахуся неправдами в тебе: сироту и вдовицу преобидяху в тебе:
22:8	и святая Моя уничижаху и субботы Моя оскверняху в тебе:
22:9	мужие разбойницы беша в тебе, яко да пролиют в тебе кровь, и на горах ядяху в тебе и скверны творяху в тебе:
22:10 См.: 🔗Лев. 18:7	стыд отчий открыша в тебе, и в нечистоте седящую обругаша в тебе:
22:11 См.: 🔗Лев. 18:9 🔗Иез. 33:26	кийждо на жену подруга своего беззаконноваша, и кийждо невестку свою оскверняше в нечестии, и кийждо сестру свою, дщерь отца своего, обругаваше в тебе:
22:12 См.: 🔗Лев. 25:36 🔗Прит. 28:8	мзды взимаху в тебе, яко да пролиют кровь, лихву и избыток взимаху в тебе: и скончал еси скончание злобы твоея яже в насилии, Мене же забыл еси, глаголет Адонаи Господь.
22:13	Се убо, ударю рукою Моею о руку Мою на та, яже совершил еси и яже сотворил еси, и на крови твоя бывшыя посреде тебе:
22:14 См.: 🔗Иез. 17:24	аще устоит сердце твое, и аще преодолеют руце твои во днех, в няже Аз творю в тебе? Аз Господь глаголах, и сотворю.
22:15 См.: 🔗Иез. 12:15	И разсыплю тя во языцех и разсею тя в странах, и оскудеет нечистота твоя из тебе,
22:16	и владети буду тобою пред очима языков, и познаеши, яко Аз Господь.
22:17	И бысть слово Господне ко мне глаголя:
22:18 См.: 🔗Иер. 6:28	сыне человечь, се, быша Мне дом Израилев смешани вси с медию и железом, и со оловом чистым и со свинцем, среде пещи сребро смешено суть.
22:19	Сего ради рцы: сия глаголет Адонаи Господь: понеже бысте вси во смешение едино, сего ради, се, Аз прииму вас во средину Иерусалима:
22:20	якоже приемлется сребро и медь, и железо и свинец и олово чистое во средину пещи, еже дунути на ня огню, да слиются, тако прииму вас во гневе Моем и в ярости Моей, и соберу и слию вас,
22:21 См.: 🔗Втор. 4:24 🔗Ис. 30:27 🔗Наум. 1:6	и дуну на вы во огни гнева Моего, и слияни будете среде его:
22:22 См.: 🔗Зах. 13:9 🔗Мал. 3:3 🔗Мал. 4:1	якоже сливается сребро среде пещи, тако слиетеся посреде его и познаете, яко Аз Господь излиях ярость Мою на вас.
22:23	И бысть слово Господне ко мне глаголя:
22:24 См.: 🔗Евр. 6:7	сыне человечь, рцы ему: ты еси земля неодождимая, ниже дождь бысть на тя в день ярости.
22:25 См.: 🔗Ис. 1:23 🔗Мих. 3:2 🔗Соф. 3:3 🔗Мф. 23:14	Егоже старейшины среде его, яко львы рыкающе, восхищающе восхищения, душы изядающе насилием, богатство и честь приемлюще, и вдовицы твоя умножишася посреде тебе:
22:26 См.: 🔗Мих. 3:11 🔗Соф. 3:4 🔗Иез. 44:23	и жерцы его отвергошася закона Моего и оскверниша святая Моя: между святым и сквернавым не разлучаху, и между нечистым и чистым не разделяху, и от суббот Моих покрываху очи свои, и оскверняху Мя посреде себе:
22:27 См.: 🔗Мих. 3:10 🔗Соф. 3:3	князи его среде его яко волцы восхищающе похищения, еже пролияти кровь и погубити душы, яко да лихоимством лихоимствуют:
22:28 См.: 🔗Иез. 13:6	и пророцы его помазующии их падут, видящии суетная, волхвующии ложная, глаголюще: сия глаголет Адонаи Господь: а Господь не глагола.
22:29 См.: 🔗Ис. 3:5 🔗Иер. 9:3 🔗Исх. 22:21	Людий земли утесняюще неправдою и восхищающе восхищения, нища и убога насильствующе и со пришелцем не живуще судом.
22:30 См.: 🔗Иез. 13:5	И исках от них мужа живуща право и стояща цело пред лицем Моим во время гнева Моего, еже бы не до конца погубити его, и не обретох.
22:31 См.: 🔗Иез. 7:4	И излиях нань ярость Мою во огни гнева Моего, еже скончати я: пути их на главы их дах, глаголет Адонаи Господь.