Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 19 | |
19:1 | Ты же, сыне человечь, возми плачь на князи Израилевы, |
19:2 См.: 🔗Наум. 2:11 🔗Соф. 3:3 | и речеши: почто мати твоя львица среде львов почи, посреде львов умножи львичища своя? |
19:3 См.: 🔗4Цар. 23:31 🔗Зах. 11:3 | И отскочи един от львичищ ея и бысть лев, и научися восхищати восхищения и человеки снеде. |
19:4 См.: 🔗4Цар. 23:33 🔗Иер. 22:11 | И слышаша о нем языцы, и ят бысть в растлении их, и приведоша его во узде во Египет. |
19:5 См.: 🔗4Цар. 23:34 | И виде, яко отведен бысть от нея, и погибе чаяние ея: и взя инаго от львичищ своих и львом учини его, |
19:6 | и живяше посреде львов, бысть лев и научися восхищати восхищения: человеки изяде, |
19:7 См.: 🔗Ам. 3:4 | и пасяшеся в лютости своей, и грады их пусты постави, и погуби землю и исполнение ея гласом рыкания своего. |
19:8 См.: 🔗Иез. 17:20 | И даша нань языцы окрест от стран и простроша нань мрежи своя, и в погублении их ят бысть. |
19:9 См.: 🔗2Пар. 36:6 | И положиша его во узде и в клети, приведоша его ко царю Вавилонску и ввергоша его в темницу, яко да не слышится глас его ктому на горах Израилевых. |
19:10 | Мати твоя яко виноград и яко цвет шипчан на воде насажден, плод его и отрасль его бысть от воды многи. |
19:11 | И бысть ему жезл крепости над племенем старейшин, и вознесеся в величии своем среде лозия: и виде величество свое во множестве лозия своего, |
19:12 См.: 🔗Ос. 13:15 | и обломися в ярости, и на землю повержен бысть, и ветр знойный изсуши плоды его: увядоша, и изсше жезл крепости его: огнь потреби его. |
19:13 | И ныне насадиша его в пустыни, на земли безводне. |
19:14 | И изыде огнь от жезла избранных его и пояде и, и не бе в нем жезла крепости его: племя в притчу плача есть, и будет плачь. |