Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 | Что убо лишшее Иудею? Или кая польза обрезания? |
3:2 | Много, по всякому образу: первее бо, яко вверена быша им словеса Божия. |
3:3 См.: 🔗Чис. 23:19 🔗2Тим. 2:13 | Что бо, аще не вероваша нецыи? Еда (убо) неверствие их веру Божию упразднит? |
3:4 | Да не будет: да будет же Бог истинен, всяк же человек ложь, якоже есть писано: яко да оправдишися во словесех Твоих, и победиши, внегда судити Ти. |
3:5 | Аще ли неправда наша Божию правду составляет, что речем? Еда ли неправеден Бог наносяй гнев? По человеку глаголю. |
3:6 См.: 🔗Быт. 18:25 🔗Иов. 8:3 | Да не будет: понеже како судити имать Бог миру? |
3:7 | Аще бо истина Божия в моей лжи избыточествова в славу Его, что еще и аз яко грешник осуждаюся, |
3:8 См.: 🔗Рим. 6:15 | и не якоже хулимся, и якоже глаголют нецыи нас глаголати, яко сотворим злая, да приидут благая: ихже суд праведен есть. |
3:9 См.: 🔗Гал. 3:22 | Что убо, преимеем ли? Никакоже: предукорихом бо Иудеи же и Еллины вся под грехом быти, |
3:10 См.: 🔗Пс. 52:4 | якоже есть писано. Яко несть праведен никтоже: |
3:11 См.: 🔗Быт. 8:21 | несть разумеваяи, и несть взыскаяй Бога: |
3:12 См.: 🔗Пс. 13:1 | вси уклонишася, вкупе непотребни быша. Несть творяй благостыню, несть даже до единаго. |
3:13 См.: 🔗Пс. 5:10 🔗Пс. 139:4 | Гроб отверст гортань их, языки своими льщаху. Яд аспидов под устнами их. |
3:14 См.: 🔗Пс. 9:28 | Ихже уста клятвы и горести полна суть. |
3:15 | Скоры ноги их пролияти кровь: |
3:16 | сокрушение и озлобление на путех их, |
3:17 См.: 🔗Прит. 1:16 🔗Ис. 59:7 | и пути мирнаго не познаша. |
3:18 См.: 🔗Пс. 35:2 | Несть страха Божия пред очима их. |
3:19 | Вемы же, яко елика закон глаголет, сущым в законе глаголет: да всяка уста заградятся, и повинен будет весь мир Богови: |
3:20 См.: 🔗Рим. 7:7 🔗Гал. 2:16 | зане от дел закона не оправдится всяка плоть пред Ним: законом бо познание греха. |
3:21 | Ныне же кроме закона правда Божия явися, свидетельствуема от закона и пророк. |
3:22 См.: 🔗Гал. 3:28 | Правда же Божия верою Иисус Христовою во всех и на всех верующих: несть бо разнствия, |
3:23 См.: 🔗Рим. 3:10 🔗Рим. 5:12 | вси бо согрешиша, и лишени суть славы Божия, |
3:24 См.: 🔗Ис. 55:1 🔗Рим. 8:32 | оправдаеми туне благодатию Его, избавлением, еже о Христе Иисусе, |
3:25 См.: 🔗Деян. 13:38 🔗2Кор. 5:19 | Егоже предположи Бог очищение верою в Крови Его, в явление правды Своея, за отпущение прежде бывших грехов, |
3:26 | в долготерпении Божии, и в показание правды Его в нынешнее время, во еже быти Ему праведну и оправдающу сущаго от веры Иисусовы. |
3:27 | Где убо похвала, отгнася. Которым законом? Делы ли? Ни, но законом веры. |
3:28 | Мыслим убо верою оправдатися человеку, без дел закона. |
3:29 См.: 🔗Быт. 17:5 | Или Иудеев Бог токмо, а не и языков? Ей, и языков: |
3:30 См.: 🔗Рим. 4:11 | понеже един Бог, Иже оправдит обрезание от веры и необрезание верою. |
3:31 См.: 🔗Гал. 3:24 | Закон ли убо разоряем верою? Да не будет: но закон утверждаем. |