Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 | И рече Господь к Моисею, глаголя: |
10:2 | сотвори себе две трубы сребряны: кованы сотвориши я, и будут тебе на созвание сонма и возставляти полки: |
10:3 | и да вострубиши ими, и да соберется к тебе весь сонм пред двери скинии свидения |
10:4 | аще же единою трубою вострубят, да приидут к тебе вси князи и тысященачалники Израилтестии: |
10:5 См.: 🔗Чис. 2:3 | и вострубите в знамение, и воздвигнутся полцы ополчающиися на востоки: |
10:6 См.: 🔗Чис. 2:10 | и вострубите в знамение второе, и воздвигнутся полцы ополчающиися от юга: и вострубите в знамение третие, и да воздвигнутся полцы ополчающиися от моря: и вострубите в знамение четвертое, и воздвигнутся полцы ополчающиися от севера: знамением да вострубят в воздвижение их. |
10:7 | И егда соберете сонм, вострубите, не в знамение. |
10:8 См.: 🔗Исх. 27:21 | И сынове Аарони жерцы да вострубят трубами: и да будет вам законно вечно в роды вашя. |
10:9 | Аще же изыдете на брань в земли вашей к супостатом супротивящымся вам, и вострубите и назнаменуйте трубами, и воспомянетеся пред Господем и избавитеся от враг ваших. |
10:10 | И во днех веселия вашего и в праздницех ваших и в новомесячиих ваших вострубите трубами на всесожжения и на жертвы спасений ваших, и будет вам воспоминание пред Богом вашим: Аз Господь Бог ваш. |
10:11 | И бысть во второе лето, во вторый месяц, в двадесятый месяца, вознесеся облак от скинии свидения, |
10:12 См.: 🔗Чис. 2:2 | и воздвигошася сынове Израилевы со имениями своими от пустыни Синайския, и ста облак в пустыни Фарани. |
10:13 | И воздвигошася первии по гласу Господню рукою Моисеовою: |
10:14 См.: 🔗Чис. 1:7 | и воздвигоша знамя полка сынов Иудиных первии с силою своею: и над силою их Наассон сын Аминадавль: |
10:15 См.: 🔗Чис. 1:8 | и над силою племене сынов Иссахаровых Нафанаил сын Согаров: |
10:16 См.: 🔗Чис. 1:9 | и над силою племене сынов Завулоних Елиав сын Хелонь. |
10:17 См.: 🔗Чис. 4:5 | И сложиша скинию, и воздвигоша сынове Гирсони и сынове Мерарины, носящии скинию. |
10:18 См.: 🔗Чис. 1:5 | И воздвигоша знамя полка Рувимля с силою своею: и над силою их Елисур сын Седиуров: |
10:19 См.: 🔗Чис. 1:6 🔗Чис. 2:12 | и над силою племене сынов Симеоних Саламиил сын Сурисадаев: |
10:20 См.: 🔗Чис. 1:14 🔗Чис. 2:14 | и над силою племене сынов Гадовых Елисаф сын Рагуилев: |
10:21 | и воздвигошася сынове Каафовы, воздвизающии святая: и поставиша скинию, дондеже приидоша. |
10:22 См.: 🔗Чис. 1:10 🔗Чис. 2:18 | И воздвигоша знамя полка Ефремля с силою своею: и над силою их Елисама сын Емиудов: |
10:23 См.: 🔗Чис. 1:10 🔗Чис. 2:20 | и над силою племене сынов Манассииных Гамалиил сын Фадассуров: |
10:24 См.: 🔗Чис. 1:11 🔗Чис. 2:22 | и над силою племене сынов Вениаминих Авидан сын Гадеонин. |
10:25 См.: 🔗Чис. 1:12 🔗Чис. 2:25 | И воздвигоша знамя полка сынов Дановых, последнии всех полков с силою своею: и над силою их Ахиезер сын Амисадаев: |
10:26 См.: 🔗Чис. 1:13 🔗Чис. 2:27 | и над силою племене сынов Асировых Фагаиил сын Ехрань: |
10:27 См.: 🔗Чис. 1:15 🔗Чис. 2:19 | и над силою племене сынов Неффалимлих Ахирей сын Енань. |
10:28 | Сии полцы сынов Израилевых, и воздвигошася с силою своею. |
10:29 | И рече Моисей Иоваву сыну Рагуилеву Мадианитину, тестю Моисеову: воздвизаемся мы на место, о немже Господь рече: сие дам вам: пойди с нами, и сотворим тебе добро, яко Господь добрая глагола о Израили. |
10:30 | И отвеща к нему: не пойду, но в землю мою и в род мой иду. |
10:31 | И рече: не остави нас, понеже был еси с нами в пустыни, и будеши в нас старейшина: |
10:32 | и будет аще пойдеши с нами, и будут благая оная, елика благосотворит Господь нам, благосотворим и тебе. |
10:33 См.: 🔗Втор. 31:8 | И отидоша от горы Господни в путь трех дний: и кивот завета Господня предидяше пред ними в путь трех дний, соглядати им стана. |
10:34 | И бысть егда воздвизаху кивот, и рече Моисей: востани, Господи, и да разсыплются врази Твои, и да бежат вси ненавидящии Тебе. |
10:35 См.: 🔗Пс. 67:2 | И в поставлении (кивота) рече: возвращай, Господи, тысящы тем во Израили. |
10:36 См.: 🔗2Пар. 6:41 🔗Пс. 131:8 | И облак Господнь бысть осеняющь над ними в день, егда воздвизахуся из полка. |