Книга Иова, глава 21

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 21
21:1	Отвещав же Иов, рече:
21:2	послушайте, послушайте словес моих, да не будет ми от вас сие утешение:
21:3	потерпите ми, аз же возглаголю, таже не посмеетемися.
21:4	Что бо? Еда человеческо ми обличение? Или почто не возярюся?
21:5 См.: 🔗Мих. 7:16	Воззревшии на мя удивитеся, руку положше на ланите.
21:6	Аще бо воспомяну, ужаснуся: обдержат бо плоть мою болезни.
21:7 См.: 🔗Иер. 12:1 🔗Авв. 1:13	Почто нечестивии живут, обетшаша же в богатстве?
21:8	Семя их по души, чада же их пред очима.
21:9 См.: 🔗Пс. 72:4 🔗Пс. 143:12	Домове их обилнии суть, страх же нигде, раны же от Господа несть на них.
21:10	Говядо их не изверже: спасена же бысть их имущая во чреве и не лишися.
21:11	Пребывают же яко овцы вечныя, дети же их предиграют,
21:12 См.: 🔗Ис. 5:12 🔗Ам. 6:5	вземше псалтирь и гусли, и веселятся гласом песни.
21:13	Скончаша во благих житие свое, в покои же адове успоша.
21:14 См.: 🔗Иов. 22:17 🔗Иер. 2:20	Глаголют же Господеви: отступи от нас, путий Твоих ведети не хощем:
21:15 См.: 🔗Мал. 3:14	что достоин, яко да поработаем Ему? И кая польза, яко да взыщем Его?
21:16 См.: 🔗Иов. 22:18	В руках бо их бяху благая, дел же нечестивых не надзирает.
21:17 См.: 🔗Иов. 18:5 🔗Иов. 29:3 🔗Иов. 38:15	Обаче же и нечестивых светилник угаснет, найдет же им развращение, болезни же их оымут от гнева:
21:18 См.: 🔗Пс. 1:4 🔗Ис. 29:5 🔗Ос. 13:3	будут же аки плевы пред ветром, или якоже прах, егоже взя вихр.
21:19	Да оскудеют сыном имения его: воздаст противу ему, и уразумеет.
21:20	Да узрят очи его свое убиение, от Господа же да не спасется.
21:21 См.: 🔗Пс. 54:24 🔗Пс. 57:10	Яко воля его с ним в дому его, и числа месяцей его разделишася.
21:22	Не Господь ли есть научаяй разуму и хитрости? Тойже мудрых разсуждает.
21:23	Той умрет в силе простоты своея, всецел же благодушествуяй и благоуспеваяй,
21:24	утроба же его исполнена тука, мозг же его разливается.
21:25	Ов же умирает в горести души, не ядый ничтоже блага.
21:26 См.: 🔗Иов. 17:14	Вкупе же на земли спят, гнилость же их покры.
21:27	Темже вем вас, яко дерзостию належите ми,
21:28	яко речете: где есть дом княжь? И где есть покров селений нечестивых?
21:29	Вопросите мимоходящих путем, и знамения их не чужда сотворите.
21:30 См.: 🔗Пс. 72:18 🔗Прит. 16:4	Яко на день пагубы соблюдается нечестивый, и в день гнева Его отведен будет.
21:31	Кто возвестит пред лицем его путь его, и еже той сотвори, кто воздаст ему?
21:32	И той во гроб отнесен бысть, и на гробищих побде.
21:33	Усладися ему дробное камение потока, и вслед его всяк человек отидет, и пред ним безчисленнии.
21:34 См.: 🔗Иов. 16:2	Како же мя утешаете суетными? А еже бы мне почити от вас, ничтоже.