Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 | И бысть в день осмый, призва Моисей Аарона и сыны его и старцы Израилевы, |
9:2 См.: 🔗Исх. 29:1 | и рече Моисей ко Аарону: возми себе телца от говяд греха ради и овна на всесожжение, непорочны, и принеси я пред Господа: |
9:3 См.: 🔗Лев. 4:13 🔗Лев. 1:5 | и старцем Израилевым речеши, глаголя: возмите козла от коз единаго от гресе, и овна, и телца и агнца единолетна, в приношение, непорочны: |
9:4 | и телца от говяд, и овна на жертву спасения пред Господа, и муку пшеничну спряжену с елеем: зане днесь Господь явится в вас. |
9:5 | И взяша, якоже заповеда Моисей пред скиниею свидения: и прииде весь сонм, и сташа пред Господем. |
9:6 | И рече Моисей: сие слово, еже рече Господь, сотворите, и явится в вас слава Господня. |
9:7 См.: 🔗Лев. 16:6 🔗Евр. 7:27 | И рече Моисей Аарону: приступи ко олтарю и сотвори еже греха ради твоего, и всесожжение твое, и помолися о себе и о доме твоем: и сотвори дары людския, и помолися о них, якоже заповеда Господь Моисею. |
9:8 | И приступи Аарон ко олтарю, и закла телца, иже греха ради его. |
9:9 | И принесоша сынове Аарони кровь к нему: и омочи перст свой в кровь, и возложи на роги олтаря, и кровь излия у стояла олтаря: |
9:10 См.: 🔗Исх. 29:22 🔗Лев. 3:10 | и тук, и обе почки, и препонку печени, яже греха ради, возложи на олтарь, якоже заповеда Господь Моисею: |
9:11 См.: 🔗Лев. 4:11 | мяса же и кожу сожже на огни вне полка, |
9:12 | и закла всесожжение. И принесоша сынове Аарони кровь к нему: и пролия на олтарь окрест. |
9:13 См.: 🔗Лев. 1:6 | И всесожжение принесоша к нему по удам: сия и главу возложи на олтарь, |
9:14 | и измы утробу и ноги водою, и возложи во всесожжение на олтарь. |
9:15 См.: 🔗2Кор. 5:21 | И принесе дар людский: и взя козла, иже греха ради людска, и закла его, и очисти его, якоже и перваго, |
9:16 | и принесе всесожжение, и сотвори е, якоже достоит. |
9:17 | И принесе жертву, и наполни руце от нея, и возложи на олтарь кроме всесожжения утренняго, |
9:18 | и закла телца и овна жертвы спасения людска. И принесоша сынове Аарони кровь к нему: и пролия на олтарь окрест. |
9:19 | И тук телчий, и овняя чресла, и тук покрывающий утробу, и обе почки, и тук иже на них, и препонку печени: |
9:20 | и возложи туки на груди, и вознесе туки на олтарь: |
9:21 См.: 🔗Исх. 29:24 | и груди и рамо десное отя Аарон участие пред Господем, якоже повеле Господь Моисею. |
9:22 См.: 🔗Чис. 6:23 🔗Исх. 20:24 | И воздвиг Аарон руце к людем, благослови я: и сниде сотворив приношение греха ради, и всесожжение, и яже о спасении. |
9:23 | И вниде Моисей и Аарон в скинию свидения, и изшедше благословиста вся люди. И явися слава Господня всем людем: |
9:24 См.: 🔗2Мак. 2:10 | и изыде огнь от Господа, и пояде яже на олтари, и всесожжения и туки. И видеша вси людие, и ужасошася, и падоша на лице. |