Книга пророка Исаии, глава 13

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 13
13:1 См.: 🔗Иер. 30:1 🔗Иер. 50:1	Видение на Вавилона, еже виде Исаиа сын Амосов.
13:2 См.: 🔗Ис. 5:26 🔗Ис. 18:3 🔗Иер. 4:6	На горе польней воздвигните знамение, вознесите глас им, не бойтеся, поущайте рукою, отверзите, князи.
13:3 См.: 🔗Иер. 22:7	Аз повелеваю, освященни суть: и Аз веду их, исполини идут исполнити ярость Мою радующеся, вкупе и укаряюще.
13:4	Глас языков многих на горах, подобен языков многих, глас царей и языков собравшихся: Господь Саваоф заповеда языку оружеборцу
13:5	приити от земли издалеча, от края основания небесе, Господь и оружеборцы Его, растлити всю вселенную.
13:6 См.: 🔗Иоил. 1:15	Рыдайте: близ бо день Господень, и сокрушение от Бога приидет:
13:7	сего ради всяка рука разслабеет, и всяка душа человеча убоится,
13:8 См.: 🔗4Цар. 19:3 🔗Пс. 47:7 🔗Ис. 21:3	и смятутся послы, и болезни приимут я яко жены раждающия: и поскорбят друг ко другу, и ужаснутся, и лице свое яко пламень изменят.
13:9 См.: 🔗Ис. 22:5	Се бо, день Господень грядет неизцельный, ярости и гнева, положити вселенную (всю) пусту и грешники погубити от нея.
13:10 См.: 🔗Ис. 24:23 🔗Иез. 32:7 🔗Иоил. 2:31 🔗Иоил. 3:15 🔗Мф. 24:29 🔗Мк. 13:24 🔗Лк. 21:25	Звезды бо небесныя и орион и все украшение небесное света своего не дадят, и помрачится солнце возсиявающее, и луна не даст света своего.
13:11	И заповем всей вселенней злая и нечестивым грехи их, и погублю укоризну беззаконных и укоризну гордых смирю:
13:12	и будут оставшии честнии паче, нежели злато нежженое, и человек честен будет паче, нежели камень, иже от Суфира.
13:13	Разярится бо небо, и земля потрясется от оснований своих, за ярость гнева Господа Саваофа в день, в оньже приидет ярость Его.
13:14 См.: 🔗3Цар. 22:17 🔗Мк. 6:34	И будут оставшии яко серна бежащая и яко овца заблудившая, и не будет собираяй, яко человеку в люди своя возвратитися, и человек во страну свою побегнет.
13:15	Иже бо аще пленится, поразится, и иже собрани суть, мечем падут.
13:16 См.: 🔗Пс. 136:9 🔗Иер. 8:10	И чада их пред ними разбиют, и домы их пленят, и жены их поймут.
13:17 См.: 🔗Иер. 51:11 🔗Дан. 5:31	Се, Аз возбуждаю на вы Мидов, иже сребра не вменяют, ниже злата требуют:
13:18	стреляния юношеская сокрушат, и чад ваших не помилуют, ниже пощадят чад твоих очи их.
13:19 См.: 🔗Быт. 19:24 🔗Иер. 50:40 🔗Отк. 18:2	И будет Вавилон, иже нарицается славный от царя Халдейска, якоже разсыпа Бог Содому и Гоморру,
13:20	не населится в вечное время, и не внидут в онь чрез многия роды, ниже пройдут его Аравляне, ниже пастуси почиют в нем.
13:21 См.: 🔗Иер. 50:39	И почиют тамо зверие, и наполнятся домове шума, и почиют ту сирини, и беси тамо воспляшут,
13:22	и онокентавры тамо вселятся, и вогнездятся ежеве в домех их.