Псалтирь, псалом 73

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 73
73:1 См.: 🔗Пс. 43:24	Вскую, Боже, отринул еси до конца? Разгневася ярость Твоя на овцы пажити Твоея?
73:2	Помяни сонм Твой, егоже стяжал еси исперва, избавил еси жезлом достояния Твоего, гора Сион сия, в нейже вселился еси.
73:3 См.: 🔗Пс. 67:17 🔗Иоил. 3:16	Воздвигни руце Твои на гордыни их в конец, елика лукавнова враг во святем Твоем.
73:4 См.: 🔗Иер. 2:15	И восхвалишася ненавидящии Тя посреде праздника Твоего: положиша знамения своя знамения, и не познаша.
73:5	Яко во исходе превыше: яко в дубраве древяне секирами разсекоша
73:6	двери его вкупе, сечивом и оскордом разрушиша и.
73:7 См.: 🔗4Цар. 25:9	Возжгоша огнем святило Твое: на земли оскверниша жилище имене Твоего.
73:8	Реша в сердцы своем южики их вкупе: приидите, и отставим вся праздники Божия от земли.
73:9 См.: 🔗Плч. 2:9	Знамения их не видехом: несть ктому пророка, и нас не познает ктому.
73:10	Доколе, Боже, поносит враг? Раздражит противный имя Твое до конца?
73:11	Вскую отвращаеши руку Твою и десницу Твою от среды недра Твоего в конец?
73:12	Бог же, Царь наш, прежде века содела спасение посреде земли.
73:13 См.: 🔗Исх. 14:21	Ты утвердил еси силою Твоею море: Ты стерл еси главы змиев в воде:
73:14	Ты сокрушил еси главу змиеву, дал еси того брашно людем Ефиопским.
73:15 См.: 🔗Исх. 17:5 🔗Чис. 20:11 🔗Нав. 3:13	Ты расторгл еси источники и потоки: Ты изсушил еси реки ифамския.
73:16	Твой есть день, и Твоя есть нощь: Ты совершил еси зарю и солнце.
73:17 См.: 🔗Быт. 8:22	Ты сотворил еси вся пределы земли: жатву и весну Ты создал еси я.
73:18 См.: 🔗Плч. 3:61	Помяни сия: враг поноси Господеви, и людие безумнии раздражиша имя Твое.
73:19	Не предаждь зверем душу исповедающуюся Тебе: душ убогих Твоих не забуди до конца.
73:20	Призри на завет Твой: яко исполнишася помраченнии земли домов беззаконий.
73:21 См.: 🔗Лк. 11:27	Да не возвратится смиренный посрамлен: нищь и убог восхвалита имя Твое.
73:22 См.: 🔗Ис. 49:4 🔗Иез. 39:25	Востани, Боже, суди прю Твою: помяни поношение Твое, еже от безумнаго весь день.
73:23	Не забуди гласа молитвенник Твоих: гордыня ненавидящих Тя взыде выну.