Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 44 | |
44:1 См.: 🔗Еф. 1:6 | В конец, о изменяемых сыном Кореовым в разум, песнь о возлюбленнем. |
44:2 | Отрыгну сердце мое слово благо, глаголю аз дела моя Цареви: язык мой трость книжника скорописца. |
44:3 См.: 🔗Лк. 4:22 | Красен добротою паче сынов человеческих, излияся благодать во устнах Твоих: сего ради благослови Тя Бог во век. |
44:4 | Препояши мечь Твой по бедре Твоей, Сильне, |
44:5 | красотою Твоею и добротою Твоею: и наляцы, и успевай, и царствуй истины ради и кротости и правды: и наставит Тя дивно десница Твоя. |
44:6 | Стрелы Твоя изощрены, Сильне: людие под Тобою падут в сердцы враг Царевых. |
44:7 | Престол Твой, Боже, в век века: жезл правости жезл царствия Твоего. |
44:8 | Возлюбил еси правду и возненавидел еси беззаконие: сего ради помаза Тя, Боже, Бог Твой елеем радости паче причастник Твоих. |
44:9 См.: 🔗Песн./1, 3🔗Еф. 5:2 | Смирна и стакти и касиа от риз Твоих, от тяжестей слоновых, из нихже возвеселиша Тя. |
44:10 См.: 🔗Ис. 61:10 | Дщери царей в чести Твоей: предста царица одесную Тебе, в ризах позлащенных одеяна преиспещрена. |
44:11 См.: 🔗Ос. 2:19 | Слыши, дщи, и виждь, и приклони ухо твое, и забуди люди твоя и дом отца твоего: |
44:12 См.: 🔗Ис. 62:4 🔗Отк. 19:7 | и возжелает Царь доброты твоея, зане Той есть Господь твой, и поклонишися Ему, |
44:13 См.: 🔗Пс. 71:10 | и дщи Тирова с дары: лицу Твоему помолятся богатии людстии. |
44:14 См.: 🔗Иез. 16:10 🔗Мф. 22:11 | Вся слава дщере Царевы внутрь: рясны златыми одеяна и преиспещрена. |
44:15 См.: 🔗Ис. 61:10 🔗1Пет. 3:3 | Приведутся Царю девы вслед ея, искренния ея приведутся Тебе: |
44:16 | приведутся в веселии и радовании, введутся в храм Царев. |
44:17 | Вместо отец Твоих быша сынове Твои: поставиши я князи по всей земли. |
44:18 | Помяну имя Твое во всяком роде и роде: сего ради людие исповедятся Тебе в век и во век века. |