Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 9 | |
9:1 | Царица же Савска услыша имя Соломоново и прииде искусити его гаданьми во Иерусалиме с силою тяжкою зело: и велблюды носящии ароматы и злата множество и камения драгаго: и прииде к Соломону и глагола ему вся, елика беша в сердцы ея. |
9:2 См.: 🔗3Цар. 10:3 | И возвести ей Соломон вся словеса ея, и не прейде слово, егоже бы не возвестил ей. |
9:3 См.: 🔗3Цар. 10:4 | И виде царица Савска премудрость Соломоню, и дом егоже созда, |
9:4 | и яди столов его, и седалища рабов его, и состояние служебников его и ризы их, и виночерпчия его и украшение их, и всесожжения, яже жряше в дому Господни, и вне себе бысть. |
9:5 См.: 🔗3Цар. 10:6 | Рече же ко царю: истинно есть слово, еже слышах в земли моей о словесех твоих и о премудрости твоей: |
9:6 | и не веровах словесем их, дондеже приидох, и видеста очи мои, и се, не возвестиша мне половины множества премудрости твоея: приложил еси ко слышанию яже слышах: |
9:7 См.: 🔗3Цар. 10:8 🔗Мф. 13:16 | блажени мужие твои и блажени раби твои сии, иже предстоят пред тобою на всяко время и слышат премудрость твою: |
9:8 См.: 🔗3Цар. 10:9 🔗2Пар. 2:11 | да будет Господь Бог твой благословен, иже благоволи в тебе, еже дати тя на престол Свой царя Господу Богу твоему: зане возлюби Господь Бог твой Израиля, еже утвердити его во век, и постави тя над ними царя, да сотвориши суд и правду. |
9:9 См.: 🔗3Цар. 10:10 | Даде же царю сто двадесять талант злата и ароматы многи зело и камение драгое, и не быша ароматы таковы яко сия, яже даде царица Савска царю Соломону. |
9:10 См.: 🔗3Цар. 10:11 | Но и раби Хирамовы с рабы Соломоними приношаху злато Соломону драгое. |
9:11 | И сотвори Соломон царь от древ певговых степени в дом Господень и в дом царев, и гусли и псалтири песней, и никогдаже видена быша в земли Иудине прежде такоая. |
9:12 См.: 🔗3Цар. 10:13 | Царь же Соломон даде царице Савстей вся по желанию ея, ихже просила, кроме всех яже принесе царю Соломону, и возвратися в землю свою. |
9:13 См.: 🔗3Цар. 10:14 | Бе же вес злата приносимаго к Соломону на всяко лето шесть сот шестьдесят шесть талант злата, |
9:14 | кроме мужей подданных и купцов, иже приношаху, и всех царей Аравских и властелей земли, иже вси приношаху злато и сребро царю Соломону. |
9:15 См.: 🔗3Цар. 10:16 🔗3Цар. 14:26 | Сотвори убо царь Соломон двести щитов златых тягненых, шесть сот златник чистых бяху во единем щите: |
9:16 | и триста щитов златых тягненых, по триста златник бяше во единем коемждо щите, и положи я царь в дому древа Ливанова. |
9:17 См.: 🔗3Цар. 10:18 | Сотвори же царь престол от слоновых зубов велик, и позлати его златом чистым, |
9:18 | и шесть степений у престола позлащени златом, и мышчицы две туду и сюду над престолом седалища, и два льва стояща близ мышчцей, |
9:19 | и дванадесять львов стоящих тамо на шести степенех от обоих стран: и не бысть таков престол во всяцем царстве. |
9:20 См.: 🔗3Цар. 10:21 | Вси же сосуди царя Соломона бяху златы, и вси сосуди дому дубравы Ливанския златом окружены, сребро бо во днех Соломоних ни во что вменяшеся: |
9:21 См.: 🔗3Цар. 10:22 | зане корабль царев хождаше в Фарсис с рабы Хирамовыми, единицею в лета три прихождаше корабль от Фарсиса ко царю, полн злата и сребра и зубов слоновых и обезян. |
9:22 См.: 🔗3Цар. 10:23 🔗2Пар. 1:12 | И возвеличися Соломон паче всех царей земных богатством и мудростию. |
9:23 См.: 🔗Иак. 1:5 | Вси же царие земстии желаху видети лице Соломоне и слышати премудрость его, юже даде Бог в сердце его: |
9:24 | и приношаху ему кийждо дары своя, сосуды сребряны и златы, и одеяния и стакту, и сладости, кони и мски, на всякое лето. |
9:25 См.: 🔗3Цар. 4:26 🔗3Цар. 10:26 | И бяху царю Соломону четыредесять тысящ кобылиц к колесницы и дванадесять тысящ конник, и постави их во градех колесничных и со царем во Иерусалиме. |
9:26 См.: 🔗3Цар. 4:21 | И быть вождь всех царей от реки (Евфрата) даже до земли иноплеменник и даже до предел Египетских. |
9:27 См.: 🔗3Цар. 10:27 🔗2Пар. 1:15 | И даде царь злато и сребро во Иерусалиме яко камение, и кедры яко черничие, еже (раждается) в полях множество. |
9:28 | И приводяху кони Соломону от Египта и от всея земли. |
9:29 См.: 🔗3Цар. 1:11 🔗3Цар. 11:41 | И прочая словеса Соломоня первая и последняя, се, сия писана суть в словесех Нафана пророка и в словесех Ахии Силониты и в видениих Иоиля видящаго, противу Иеровоама сына Наватова. |
9:30 См.: 🔗3Цар. 11:42 | И царствова Соломон во Иерусалиме над всем Израилем четыредесять лет. |
9:31 См.: 🔗3Цар. 11:43 | И успе Соломон со отцы своими, и погребоша его во граде Давида отца его. И воцарися Ровоам сын его вместо его. |