Псалтирь, псалом 93

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 93
93:1 См.: 🔗Втор. 32:35 🔗Рим. 12:19	Бог отмщений Господь, Бог отмщений не обинулся есть.
93:2	Вознесися, Судяй земли, воздаждь воздаяние гордым.
93:3	Доколе грешницы, Господи, доколе грешницы восхвалятся?
93:4 См.: 🔗Пс. 51:3	Провещают и возглаголют неправду, возглаголют вси делающии беззаконие?
93:5 См.: 🔗Пс. 15:5	Люди Твоя, Господи, смириша, и достояние Твое озлобиша:
93:6 См.: 🔗Иез. 22:7	вдовицу и сира умориша, и пришелца убиша,
93:7 См.: 🔗Иов. 22:13 🔗Иов. 24:15	и реша: не узрит Господь, ниже уразумеет Бог Иаковль.
93:8	Разумейте же, безумнии в людех, и буии некогда, умудритеся:
93:9 См.: 🔗Прит. 20:12 🔗Мал. 3:16	насаждей ухо, не слышит ли? Или создавый око, не сматряет ли?
93:10	Наказуяй языки, не обличит ли, учай человека разуму?
93:11 См.: 🔗1Кор. 3:20	Господь весть помышления человеческая, яко суть суетна.
93:12 См.: 🔗Иов. 5:17 🔗Прит. 3:12	Блажен человек, егоже аще накажеши, Господи, и от закона Твоего научиши его:
93:13	укротити его от дний лютых, дондеже изрыется грешному яма.
93:14 См.: 🔗3Цар. 8:57	Яко не отринет Господь людий Своих, и достояния Своего не оставит:
93:15	дондеже правда обратится на суд, и держащиися ея вси правии сердцем.
93:16	Кто востанет ми на лукавнующыя? Или кто спредстанет ми на делающыя беззаконие?
93:17	Аще не Господь помогл бы ми, вмале вселилася бы во ад душа моя.
93:18	Аще глаголах: подвижеся нога моя, милость Твоя, Господи, помогаше ми:
93:19	по множеству болезней моих в сердцы моем, утешения Твоя возвеселиша душу мою.
93:20	Да не пребудет Тебе престол беззакония, созидаяй труд на повеление.
93:21 См.: 🔗Пс. 2:2 🔗Дан. 6:4	Уловят на душу праведничу, и кровь неповинную осудят.
93:22	И бысть мне Господь в прибежище, и Бог мой в помощь упования моего:
93:23	и воздаст им Господь беззаконие их, и по лукавствию их погубит я Господь Бог.