Книга пророка Иеремии, глава 16

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1	И бысть слово Господне ко мне, рекущее: и ты да не поймеши жены,
16:2 См.: 🔗1Кор. 7:26	и не родится тебе сын, ниже дщерь на месте сем.
16:3	Яко сия глаголет Господь от сынех и дщерех, иже родятся на месте сем, и о матерех их, яже родиша их, и о отцех их родивших я в земли сей:
16:4 См.: 🔗Иер. 7:33 🔗Иер. 8:2 🔗Иер. 25:33	смертию лютою изомрут, не оплачутся и не погребутся: во образ на лицы земли будут и мечем падут и гладом скончаются, и будут трупие их во снедь птицам небесным и зверем земным.
16:5 См.: 🔗Иер. 13:14	Сия глаголет Господь: да не внидеши в дом их пирный, ни да ходиши плакати, ниже да рыдаеши их, понеже отях мир Мой от людий сих, рече Господь, милость и щедроты.
16:6 См.: 🔗Лев. 19:27	И умрут велицыи и малии в земли сей: не погребутся, ни оплачутся, ниже терзание о них будет, ниже обриются ради их,
16:7 См.: 🔗Втор. 26:14	и не преломят хлеба во стенании их ко утешению над мертвым, и не дадут им пития чаши ко утешению над отцем и материю их.
16:8 См.: 🔗Иез. 24:22	И в дом пирный да не внидеши седети с ними, еже ясти и пити.
16:9 См.: 🔗Ис. 24:8 🔗Иер. 7:34 🔗Иез. 26:13	Понеже сия глаголет Господь Сил, Бог Израилев: се, Аз отиму от места сего во очию вашею и во днех ваших глас радости и глас веселия, глас жениха и глас невесты.
16:10 См.: 🔗Иер. 5:19	И будет, егда возвестиши людем сим вся словеса сия, и рекут к тебе: вскую глаголал есть Господь на нас вся злая сия? Кая неправда наша? И кий грех наш, имже согрешихом Господу Богу нашему?
16:11 См.: 🔗Ис. 65:7 🔗Иер. 3:25 🔗Иез. 21:7	И речеши к ним: понеже оставиша Мя отцы ваши, глаголет Господь, и идоша вслед богов чуждих, и послужиша им и поклонишася им, Мене же оставиша и закона Моего не сохраниша:
16:12 См.: 🔗Иер. 7:26	и вы горше деласте, неже отцы ваши, и се, вы ходите кийждо вслед похотей сердца вашего лукаваго, еже не слушати Мене:
16:13 См.: 🔗Втор. 4:27	и изрину вас от земли сея в землю, еяже не весте вы и отцы ваши, и послужите тамо богом чуждим день и нощь, иже не дадут вам милости.
16:14 См.: 🔗Иер. 23:7	Сего ради, се, дние грядут, глаголет Господь, и не рекут ктому: жив Господь, иже изведе сынов Израилевых от земли Египетския:
16:15	но: живет Господь, иже изведе сынов Израилевых от земли северныя и от всех стран, аможе извержени быша: и возвращу их в землю их, юже дах отцем их.
16:16 См.: 🔗Мф. 4:19 🔗Мф. 13:47 🔗Ам. 4:2	Се, Аз послю рыбари многи, рече Господь, и уловят их: и посем послю многи ловцы, и уловят их на всяцей горе и на всяцем холме и от пещер каменных.
16:17 См.: 🔗Иов. 34:21 🔗Прит. 5:21	Яко очи Мои на всех путех их, не сокровени суть от лица Моего, и не утаена суть беззакония их от очию Моею.
16:18 См.: 🔗Ис. 40:2	И воздам первее сугубая беззакония и грехи их, имиже оскверниша землю Мою в мертвечинах мерзостей своих и в беззакониих своих, имиже наполниша достояние Мое.
16:19 См.: 🔗Ис. 25:4 🔗Иер. 17:17 🔗Рим. 1:25	Господи, Ты крепость моя и помощь моя и прибежище мое во днех злых: к Тебе языцы приидут от последних земли и рекут: воистинну лживых стяжаша отцы наши идолов, и несть в них пользы.
16:20 См.: 🔗Ис. 40:19 🔗Иер. 10:3 🔗Прем. 13:11	Еда сотворит себе человек боги, и тии не суть бози?
16:21	Сего ради, се, Аз покажу им во время сие руку Мою и знаему сотворю им силу Мою, и познают, яко имя Мне Господь.