Книга Премудрости Иисуса, сына Сирахова, глава 9 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1 См.: 🔗Чис. 5:14 🔗Прит. 6:34	Не ревнуй жене недра твоего, ниже научи на тебе самаго учению лукаву.
9:2 См.: 🔗1Пет. 3:1	Не даждь жене души твоея, еже превзыти ей над крепость твою.
9:3 См.: 🔗Прит. 7:5	Не сретай жены блудницы, да не како впадеши в сети ея.
9:4 См.: 🔗Прит. 5:3	К спевающей не примешайся, да не како увязнеши в начинаниих ея.
9:5 См.: 🔗Быт. 6:2 🔗Иов. 31:1	Девы не назирай, да не когда соблазнишися в красоте ея.
9:6 См.: 🔗Прит. 5:8 🔗Лк. 5:13	Не даждь блудницам души твоея, да не погубиши наследия твоего.
9:7	Не обзирай стогн града и в пустых его не заблуждай.
9:8 См.: 🔗Мф. 5:28	Отврати око твое от жены красныя и не назирай чуждыя доброты:
9:9 См.: 🔗2Цар. 11:2 🔗3Цар. 11:1	добротою женскою мнози прельстишася, и от сея похоть яко огнь разгарается.
9:10	С мужатицею отнюд не седи и не медли с нею в вине:
9:11	да не когда приклонится душа твоя на ню, и духом твоим поползнешися в пагубу.
9:12 См.: 🔗Прит. 27:10	Не оставляй друга стараго, новый бо несть точен ему:
9:13 См.: 🔗Лк. 5:39	вино новое друг нов: аще обетшает, с веселием испиеши его.
9:14 См.: 🔗Суд. 9:3 🔗2Цар. 15:11 🔗Пс. 36:35	Не ревнуй славе грешника: не веси бо, кое будет превращение его.
9:15	Не соизволи изволением нечестивых: помяни, яко даже до ада не оправдятся.
9:16	Далече отступи от человека, иже имать власть убивати, и не убоишися страха смертна:
9:17	и аще приступиши, не согрешай, да не отимет живота твоего:
9:18	познавай, яко посреде сетей минуеши и по забралом града ходиши.
9:19	По крепости твоей разсмотряй искренняго и со премудрыми советуй.
9:20	С разумивыми буди размышление твое, и вся повесть твоя в законе Вышняго.
9:21	Мужие праведнии да вечеряют с тобою, и во страсе Господни буди хвала твоя.
9:22	От руки художников дело похвалено бывает, и вождь людий премудр в словеси своем.
9:23 См.: 🔗1Цар. 22:9 🔗Прит. 16:27	Страшен во граде своем муж язычен, и дерзый в словеси своем возненавиден будет.