Книга Исход, глава 24

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 24
24:1 См.: 🔗Исх. 18:25	И Моисею рече: взыди ко Господу ты и Аарон, и Надав и Авиуд и седмьдесят старец Израилевых, и да поклонятся издалече Господу:
24:2	и да приступит Моисей един к Богу, они же да не приступят: и людие с ними да не взыдут.
24:3 См.: 🔗Ин. 7:19	Прииде же Моисей и поведа людем вся словеса Божия и оправдания. Отвещаша же вси людие гласом единым, глаголюще: вся словеса, яже глагола Господь, сотворим и послушаем.
24:4 См.: 🔗Быт. 31:45	И написа Моисей вся словеса Господня: обутрев же Моисей заутра, созда олтарь под горою, и дванадесять камений в дванадесять племен Израилевых:
24:5 См.: 🔗Чис. 3:41	и посла юношы сынов Израилевых, и принесоша всесожжения, и пожроша жертву спасения Господу Богу телцы.
24:6	Взем же Моисей половину крове, влия в чашы, половину же крове возлия на олтарь,
24:7 См.: 🔗Тов. 5:1	и взем книгу завета, прочте людем во ушы. И рекоша: вся, елика глагола Господь, сотворим и послушаем.
24:8 См.: 🔗Евр. 9:19	Взем же Моисей кровь, окропи люди и рече: се, кровь завета, егоже завеща Господь к вам о всех словесех сих.
24:9	И взыде Моисей и Аарон, и Надав и Авиуд и седмьдесят от старец Израилевых,
24:10 См.: 🔗Исх. 33:20 🔗Иез. 1:26 🔗Иез. 10:1	и видеша место, идеже стояше Бог Израилев: и под ногама Его яко дело камене сапфира, и яко видение тверди небесныя чистотою.
24:11 См.: 🔗Исх. 19:12 🔗Исх. 33:22	И от избранных Израилевых не повредися ни един: и явишася на месте Божии, и ядоша, и пиша.
24:12	И рече Господь к Моисею: взыди ко Мне на гору и стани тамо, и дам ти скрижали каменныя, закон и заповеди, яже написах законоположити им.
24:13	И востав Моисей и Иисус предстоявый ему, взыдоша на гору Божию
24:14 См.: 🔗Исх. 31:2 🔗Исх. 35:30	и старцем реша: пождите в молчании зде, дондеже возвратимся к вам: и се, Аарон и Ор с вами: аще кому случится суд, да идут к ним.
24:15	И взыде Моисей на гору, и покры облак гору,
24:16 См.: 🔗Исх. 19:9 🔗3Цар. 8:10 🔗2Пар. 7:1	и сниде слава Божия на гору Синайскую, и покры ю облак шесть дний. И воззва Господь Моисеа в день седмый из среды облака:
24:17 См.: 🔗Втор. 4:24 🔗Втор. 9:3 🔗Евр. 12:29	обличие же славы Господни, яко огнь пламенуя на версе горы, пред сыны Израилевы.
24:18 См.: 🔗Исх. 34:28 🔗Втор. 9:9	И вниде Моисей в среду облака и взыде на гору, и бе тамо на горе четыредесять дний и четыредесять нощей.