Откровение Иоанна Богослова (Апокалипсис), глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1	Апокалипсис Иисуса Христа, егоже даде Ему Бог, показати рабом Своим, имже подобает быти вскоре. И сказа, послав чрез Ангела Своего рабу Своему Иоанну,
1:2	иже свидетелствова слово Божие и свидетелство Иисус Христово, и елика виде.
1:3 См.: 🔗Лк. 11:28	Блажен чтый, и слышащии словеса пророчествия, и соблюдающии писаная в нем: время бо близ.
1:4 См.: 🔗Исх. 3:14 🔗Отк. 4:5	Иоанн седмим церквам, яже суть во Асии: благодать вам и мир от Сущаго, и Иже бе, и Грядущаго, и от седми духов, иже пред престолом Его суть,
1:5 См.: 🔗Пс. 88:38 🔗1Пет. 1:19 🔗1Ин. 1:7 🔗1Кор. 15:20 🔗Кол. 1:18 🔗Евр. 9:14	и от Иисуса Христа, Иже есть свидетель верный, первенец из мертвых и князь царей земных: любящу ны и омывшу нас от грех наших Кровию Своею,
1:6 См.: 🔗Исх. 19:6 🔗1Пет. 2:9	и сотворил есть нас цари и иереи Богу и Отцу Своему, Тому слава и держава во веки веков. Аминь.
1:7 См.: 🔗Ис. 3:14 🔗Зах. 12:10 🔗Мф. 24:30 🔗Иуд. 1:14	Се, грядет со облаки, и узрит Его всяко око и иже Его прободоша, и плачь сотворят о Нем вся колена земная. Ей, аминь.
1:8 См.: 🔗Ис. 41:4 🔗Отк. 2:8	Аз есмь Алфа и Омега, начаток и конец, глаголет Господь, сый, и Иже бе, и грядый, Вседержитель.
1:9 См.: 🔗Рим. 8:17	Аз Иоанн, иже и брат ваш и общник в печали и во царствии и в терпении Иисус Христове, бых во острове нарицаемем Патмос за слово Божие и за свидетелство Иисус Христово.
1:10 См.: 🔗Ис. 44:6 🔗Ис. 48:12	Бых в дусе в день неделный, и слышах за собою глас велий яко трубы глаголющия: Аз есмь Алфа и Омега, Первый и Последний:
1:11	и: яже видиши, напиши в книгу, и посли церквам, яже суть во Асии: во Ефес и в Смирну, в Пергам и в Фиатир, и в Сардис и в Филаделфию и в Лаодикию.
1:12 См.: 🔗Исх. 25:37 🔗Зах. 4:2	И обратихся видети глас, иже глаголаше со мною: и обратився видех седмь светилник златых,
1:13 См.: 🔗Иез. 1:26 🔗Дан. 10:5 🔗Мф. 28:18	и посреде седми светилников подобна Сыну Человечу, облечена в подир и препоясана при сосцу поясом златым:
1:14 См.: 🔗Дан. 7:9	глава же Его и власи белы аки ярина белая, якоже снег: и очи Его яко пламень огнен:
1:15 См.: 🔗Иез. 43:2 🔗Дан. 10:6	и нозе Его подобне халколивану, якоже в пещи разжженне: и глас Его яко глас вод мног:
1:16 См.: 🔗Ис. 49:2 🔗Мф. 28:18 🔗Еф. 6:17 🔗Отк. 2:16	и держя в руце Своей десней седмь звезд: и из уст Его мечь обоюду остр изострен исходяй: и лице Его якоже солнце сияет в силе своей.
1:17 См.: 🔗Дан. 8:18	И егда видех Его, падох к ногама Его яко мертв. И положи десницу Свою на мне, глаголя ми: не бойся: Аз есмь Первый и Последний
1:18 См.: 🔗Иов. 12:14 🔗Ис. 22:22 🔗Отк. 3:7	и живый: и бых мертв, и се, жив есмь во веки веков, аминь: и имам ключи ада и смерти.
1:19	Напиши убо, яже видел еси, и яже суть, и имже подобает быти по сем.
1:20 См.: 🔗Мал. 2:7	Таинство седми звезд, яже видел еси на деснице Моей, и седмь светилник златых: седмь звезд Ангели седми церквей суть: и седмь светилников, яже видел еси, седмь церквей суть.