Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 См.: 🔗2Мак. 2:10 | И егда соверши Соломон моляся, и огнь сниде с небесе и пояде всесожжения и жертвы и слава Господня исполни дом: |
7:2 См.: 🔗3Цар. 8:11 | и не можаху священницы внити в храм Господнь во время оно, яко исполни слава Господня дом Господень. |
7:3 См.: 🔗2Пар. 5:13 🔗1Езд. 3:11 | И вси сынове Израилевы видяху сходящь огнь и славу Господню на дом, и падоша ниц на землю на помост постлан камением, и поклонишася, и восхвалиша Господа, яко благ, яко во век милость Его. |
7:4 См.: 🔗3Цар. 8:62 | Царь же и вси людие пожроша жертвы пред Господем. |
7:5 См.: 🔗3Цар. 8:63 | И пожре царь Соломон жертву волов двадесять и две тысящы, овец сто и двадесять тысящ, и освяти дом Божий царь и вси людие. |
7:6 | Священницы же стояху на стражах своих, и левити во органы пояху песни Господни, яже сотвори Давид царь к похвалению Господа: (яко благ,) яко во век милость Его, песни Давидовы (поюще) руками своими: и священницы пояху трубами пред ними, и весь Израиль стояше. |
7:7 См.: 🔗3Цар. 8:64 | Освяти же Соломон среднее двора, иже пред церковию Господнею, принесе бо ту всесожжения и туки мирных, яко олтарь медян, егоже сотвори Соломон, не можаше вместити всесожжений и жертв и туков. |
7:8 См.: 🔗3Цар. 8:65 🔗Чис. 13:22 | И сотвори Соломон праздник во время оно седмь дний, и весь Израиль с ним, собрание велико зело от входа во Емаф даже до потока Египетска: |
7:9 См.: 🔗Ин. 7:37 🔗3Цар. 8:2 | сотвори же в день осмый торжество, понеже освящению олтаря сотвори седмь дний праздник. |
7:10 См.: 🔗3Цар. 8:66 | И в день двадесять третий месяца седмаго отпусти людий в жилище их веселящихся и радующихся о благих, яже сотвори Господь Давиду и Соломону и Израилю людем Своим. |
7:11 См.: 🔗3Цар. 9:1 | И соверши Соломон дом Господень и дом царев: и вся, елика восхоте в сердцы своем Соломон творити в дому Господни и в дому своем, благопоспешися. |
7:12 См.: 🔗Втор. 12:5 | И явися Господь Соломону нощию и рече ему: услышах моление твое и избрах место сие мне в дом жертвы: |
7:13 | аще заключу небо, и дождь не излиется, и аще повелю пругом поясти древо, и аще послю губителство на люди Моя, |
7:14 | и аще посрамлени будут людие Мои, на нихже призвано есть имя Мое, и помолятся, и взыщут лица Моего, и отвратятся от путий своих злых: и Аз услышу с небесе и милостив буду грехом их, и изцелю землю их: |
7:15 См.: 🔗2Пар. 6:40 | и ныне очи Мои будут отверсте, и уши Мои послушне к молению места сего: |
7:16 См.: 🔗3Цар. 9:3 | и ныне избрах и освятих дом сей, да будет на Мое ту даже до века, и будут очи Мои и сердце Мое ту вся дни: |
7:17 | ты же аще ходити будеши предо Мною, якоже ходил Давид отец твой, и сотвориши по всем, яже повелех тебе, и повеления Моя и судбы Моя сохраниши: |
7:18 | и воздвигну престол царства твоего, якоже завещах Давиду отцу твоему глаголя: не отимется от тебе муж вождь во Израили: |
7:19 См.: 🔗3Цар. 9:6 | аще же отвратитеся вы и оставите повеления Моя и заповеди Моя, яже предах вам, и пойдете и послужите богом иным и поклонитеся им, |
7:20 | исторгну вас от земли, юже дах вам: и дом сей, егоже освятих имени Моему, отвергу от лица Моего и предам его в притчу и в повесть всем языком: |
7:21 | и дом сей высокий (в притчу), всяк мимоходяй его ужаснется и речет: почто сотвори Господь тако земли сей и дому сему? |
7:22 | И отвещают: яко оставиша Господа Бога отец своих, иже изведе их от земли Египетския, и прияша боги чуждыя, и поклонишася им, и поработаша им, и сего ради наведе на них вся сия злая. |