Книга Иова, глава 26

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 26
26:1	Отвещав же Иов, рече:
26:2	кому прилежиши, или кому хощеши помогати? Не сему ли, емуже многа крепость и емуже мышца крепка есть?
26:3	Кому совет дал еси? Не емуже ли вся премудрость? Кого поженеши? Не емуже ли превелия сила?
26:4	Кому возвестил еси глаголы? Дыхание же чие есть исходящее из тебе?
26:5 См.: 🔗Ис. 14:9	Еда исполини родятся под водою и соседми ея?
26:6 См.: 🔗Прит. 15:11 🔗Евр. 4:13	Наг ад пред Ним, и несть покрывала Пагубе.
26:7 См.: 🔗Иов. 38:6 🔗Евр. 1:3	Простираяй север ни на чемже, повешаяй землю ни на чемже,
26:8 См.: 🔗Иов. 38:37 🔗Прит. 8:28	связуяй воду на облацех Своих, и не расторжеся облак под нею:
26:9	держай лице престола, простирая над ним облак Свой:
26:10 См.: 🔗Иов. 38:8 🔗Прит. 8:29 🔗Иер. 5:22	повеление окружи на лице воды даже до скончания света со тмою.
26:11 См.: 🔗2Цар. 22:8	Столпи небеснии прострошася и ужасошася от запрещения Его.
26:12 См.: 🔗Пс. 88:10 🔗Ис. 51:10 🔗Лк. 8:25	Крепостию укроти море, и хитростию его низложен бысть кит:
26:13	вереи же небесныя убояшася Его: повелением же умертви змиа отступника.
26:14	Се, сия части пути Его: и о капли слова услышим в Нем: силу же грома Его кто уведа, когда сотворит?